QR Saýda-ónerkásip palatasy janyndaǵy Halyqaralyq arbıtrajdyq jáne Úshinshi jaq sottarynyń tóraǵalary saılandy
ALMATY. Qyrkúıektiń 8-i. QazAqparat /Erbol Turymbetov/ - Almatyda QR Saýda-ónerkásip palatasynda (SÓP) saılaý ótti. Onyń qorytyndysy boıynsha SÓP janyndaǵy Halyqaralyq arbıtrajdyq sottyń tóraǵasy bolyp Maratqalı Núkenov jáne SÓP janyndaǵy Úshinshi jaq sotynyń tóraǵasy bolyp Valerıı Jakenov saılandy,
dep habarlaıdy QazAqparat QR SÓP baspasóz qyzmetine silteme jasap.
Saılaýǵa qatysýshy QR SÓP-nyń prezıdenti Erlan Qojasbaıdyń aıtýynsha, búgingi qalyptasyp otryǵan kásipkerler steorotıpterin joıýda úlken eńbek qajet. Sol arqyly arbıtrajdyq sottyń tıimdiligi dáleldenedi.
Arbıtrajdyq jáne úshinshi jaqtyq tańdaý ekonomıkalyq jáne azamattyq-quqyqtyq daýlardyń sotqa deıingi sheshiminiń negizgi balamaly formasy. Álemdik tájirıbe boıynsha, arbıtrajdyq sottardyń jumysyn SÓP soty atqarady.
Kóptegen sarapshylardyń pikirinshe, kásipkerlerdiń barlyq talaptaryna jaýap beredi. Ekijaqty kelispeýshilikterdi úshinshi, aralyq, táýelsiz taraptyń qatysýymen sheshý tıimdi jáne odan ári iskerlik qarym-qatynastardy saqtaı alatyndyǵyn tájirıbeler kórsetýde.
