QR Prezıdenttik mádenıet ortalyǵynda múmkindigi shekteýli balalardyń «Meniń álemim» atty sýret kórmesi ashylady

Kórmege Bolys Janarys, Bıbigúl Nurmaǵambet, Vıktor Rampel, Aleksandra, Dalııa Sýrova, Vıktor Kıl, Elızaveta Danılova, Lázzat Sultanova, Arlan Amangeldınov, Anjelıka Shapedko esimdi kórkemsýret óneriniń jas ókilderiniń 25 týyndysy qoıylady. Týyndylar ár túrli tehnıkada jasalǵan.

Atalǵan jas talanttardyń keıbiri qylqalamdy qoldaryna alǵash ustap, kórkem óner tabaldyryǵynan táı-táı basyp endi ǵana attap kele jatqandar. Sóıte tura, olardyń árbir kartınasy qaıtalanbas týyndy. Ol kartınalar - jas talanttardyń sol týyndyny ómirge ákelý barysyndaǵy jan dúnıesiniń shynaıy, taza kórinisteri.

Múmkindigi shekteýli balalar - ómirdiń qatal synaǵyna ushyraǵan jandar, sondyqtan da olar qoǵamnyń ózderine degen aıryqsha nazaryna qashan da zárý. Bizdiń memleketimizde mundaı balalarǵa jan-jaqty qoldaý kórsetý isi jaqsy jolǵa qoıylyp keledi. Osy oraıda Elbasymyzdyń: «Olardyń bolashaq qamyn oılap, jumyla járdem berý - barshamyzdyń paryzymyz»,- degen sózin aıta ketkenimiz jón. Olar bul álemdi, qorshaǵan ortany ózderinshe túsinip, biz mán bere bermeıtin eleýsiz oqıǵa, qubylystardan da bir erekshelik baıqap, oǵan baǵa beredi.

Sharany QR Mádenıet mınıstrligi jáne Prezıdenttik mádenıet ortalyǵynyń qoldaýymen «Bıik Samǵaý» qoǵamdyq qory uıymdastyrady.