QR Prezıdenttik mádenıet ortalyǵynda «El bolashaǵy» atty patrıottyq ánderdiń aqtyq básekesi ótedi
ASTANA. Qarashanyń 28-i. QazAqparat - Búgin elordadaǵy QR Prezıdenttik mádenıet ortalyǵynda «El bolashaǵy» atty patrıottyq ánderdiń respýblıkalyq konkýrsynyń aqtyq básege joldama alǵan oryndaýshylary saıysqa túsedi,
dep habarlaıdy QazAqparat uıymdastyrý komıtetine silteme jasap.
Atalǵan ortalyqta ótetin kontsert konkýrstyń ekinshi kezeńi. Onda ádil qazylar olardyń jandy daýysta oryndaǵan ánderin tyńdaıdy. Alǵashqy kezeńde qatysýshylar CD-dıskige jazylǵan kompozıtsııalaryn uıymdastyrý komıtetine jibergen bolatyn. Onyń qorytyndysy boıynsha 16 adam aqtyq básekege joldama alǵan edi.
Konkýrs úsh nomınatsııadan turady. «Meniń Qazaqstanym» nomınatsııasymen Otan, týǵan jer týraly úzdik án men onyń oryndaýshysy marapattalady. QR Qarýly Kúshteri, Respýblıkalyq gvardııanyń, Іshki ister mınıstrliginiń áskerı qyzmetkerleri týraly úzdik tanylǵan kompozıtsııaǵa «Sarbaz» nomınatsııasy beriledi. Al sońǵy «Amanat» nomınatsııasy rýhanı qundylyqtar týraly úzdik avtorlyq ánge buıyrady.
Konkýrsty QR Mádenıet jáne aqparat mınıstrligi men «Altyn kún» qoǵamdyq qory uıymdastyryp otyr.
