QR Prezıdenttik mádenıet ortalyǵynda «Dala áýenderi» kórmesi ashylady

dep habarlady ortalyqtyń baspasóz qyzmetinen.

Gobelen óneriniń túrli ádisteri men tásilderin meńgergen daryndy úsh sýretshi - Gúlshát Jýraevanyń, Aıgúl Qyryqbaevanyń jáne Kúljahan Ońǵarovanyń shyǵarmalary respýblıkalyq jáne halyqaralyq kórmelerge qoıylǵan.

Olar búginde halyq ónerin damytý úshin bir topqa birikken. Sýretshiler óz shabyttaryn dál osy halyq shyǵarmashylyǵynan taýyp otyr. Alaıda, ortaq kózqarasta bolǵanymen, árqaısysy kórkemónerde ózindik qoltańbasy bar jáne álemge degen óz kózqarasy qalyptasqan jeke tulǵalar.

Gúlshát Jýraeva óz shyǵarmashylyǵynda abstrakti mánerge basymdyq beredi. Ol óz gobelenderinde dástúrli ónerdiń jańa múmkindikterin kórsetedi jáne sonymen qatar sózben jetkize almaıtyn erekshe tartymdylyǵyn saqtap qalady. Sýretshi tabıǵat saryndaryna jıi júginedi jáne gobelen óneriniń sándik-órnektik dástúriniń mol múmkindikterin paıdalana otyryp, óz kózqarasyn bildiredi. Túster men reńkterdiń úılesimi ashyq, esten ketpes obrazdardy quraıdy.

Aıgúl Qyryqbaeva - týma tabıǵatynan sýretshi-romantık. Onyń da abstrakti mánerde oryndalǵan týyndylary erekshe sazdy. Sýretshi óz eńbekterinde ǵasyrlar boıy qalyptasqan túster men belgilerdiń kúrdeli sımvolıkasyna den qoıady. A.Qyryqbaeva faktýra mánerliligin belsendi túrde paıdalanady - kenepteriniń bederliligi negizgi kórkemdik quraldarynyń biri.

Kúljahan Ońǵarovanyń ásem kompozıtsııalaryn obrazdarynyń syrshyldyǵy men náziktigi ózgeshelep tur. Sýretshi ne salsa da: qazaqtyń ushy-qıyry joq keń dalasy men onyń biregeı landshafty bolsyn nemese halyq turmysynyń reńkterge baı kórinisteri bolsyn - barlyq týyndylary tereń astarly mátinimen jáne kóptegen názik nıýanstary erekshelenip turady. Al tústerdiń názik gradatsııasy kez kelgen, tipti kózge kórinbeıtin emotsııalardy mánerleýge qabiletti.