QR Prezıdenttiginen úmitker Jambyl Ahmetbekov elordadaǵy №38 saılaý ýchaskesine kelip, daýys berdi
ANA. 3 sáýir. QazAqparat /Marlan Jıembaı/ - Búgingi kún Qazaqstannyń órkenıetti elderdiń qataryna qosylýyna bastar joldyń taǵy bir qadam bolyp sanalady.
Bul pikirdi búgin elordadaǵy №38 saılaý ýchaskesine óz otbasymen kelip, daýys bergen QR Prezıdenttigine kandıdat Jambyl Ahmetbekov bildirdi.
Óz ómirinde talaı saılaýǵa qatysqandyǵyn atap ótken ol, búgingi saılaýdyń óte erekshe ekendigin tilge tıek etti. Onyń sebebin saılaýǵa prezıdenttikke kandıdat retinde qatysyp otyrǵandyǵynan emes, osy saılaý arqyly ózine úlken mindet júktelgendigin sezingendikten ekendigin aıtty.
«Saılaýdyń nátıjesi qalaı bolsa da, bizdiń Qazaqstanymyz, elimiz ósip-órkendeýge bet burǵan eken. ıAǵnı, osy baǵyttan qaıtpaıtyndyǵyn birjolata bildim. Bizdiń halqymyzdyń, saılaýshylarymyzdyń, eldiń jaǵdaıy jaqsy bolady dep oılaımyn. Yntymaq, yrys, berekeniń barlyǵy osy búgingi kúnnen bastalady. Búgingi kún Qazaqstannyń órkenıetti elderdiń qataryna qosylýyna bastar joldyń taǵy bir qadam bolyp sanalady», - dedi ol.
