QR Prezıdenttiginen úmitker Ǵanı Qasymov Almatyda máńgilik alaýǵa gúl shoqtaryn qoıdy

Sondaı-aq, ol áskerılermen jáne aýǵan soǵysy ardagerlerimen kezdesti.

«Biz kóktem merekeleri aldynda búginde qatarymyzda joq batyrlardyń rýhyna arnap gúl shoqtaryn qoıyp otyrmyz. Qazirgi tańda ekonomıka salasy jaıly az aıtylyp júrgen joq. Mine, osy kúnge jetkizgen, búginginiń jarqyn bolashaǵyn bizge syılaǵan batyrlardyń rýhy úshin, olardyń erligin umytpaýymyz kerek. Saılaý aldynda men osy máseleni barlyq jas urpaqqa, qala turǵyndaryna jetkizgim keldi. Elimizde osyndaı saıabaqtar sany kóbeıip keledi. Mysaly, Shymkent, Aqtóbe qalalarynda osyndaı ortalyqtar boı kóterip jatqanyn men óz kózimmen kórdim. Qandaı jaǵdaı bolmasyn biz ótkenimizdi, tarıhymyzdy umytpaýymyz kerek. Osyndaı izgi maqsatqa jastardy shaqyrýymyz kerek. Olardyń esine ótken kezeńderdi salyp otyrýymyz kerek.Alda kele jatqan Naýryz merekesinde biz bir-birimizge jaqsylyq, molshylyq tileımiz. Osyndaı jarqyn kúnge jetkizgen osy azamattardy jadymyzdan shyǵarmaıyq»,-dedi Ǵanı Qasymov.

Sondaı-aq Ǵanı Qasymov birqatar áskerıler men aýǵan soǵysy ardagerleriniń usynys-tilekterin tyńdady. Olardyń búgingi tańdaǵy jaǵdaılarymen tanysty.