QR Prezıdenttigine usynylǵan 5 kandıdattyń biri - áıel
ASTANA. QazAqparat - Qazaqstan Respýblıkasy Prezıdentiniń kezekten tys saılaýyna 5 kandıdat usynyldy, dep habarlady QR Ortalyq saılaý komıssııasynyń baspasóz qyzmetinen.
«2 naýryzda Asqar Jorabaıuly Syrǵabaev ózin-ózi usyný tártibimen óz kandıdatýrasyn usyný týraly Qazaqstan Respýblıkasy Ortalyq saılaý komıssııasyna ótinish berdi. 3 naýryzda sondaı-aq ózin-ózi usyný tártibimen Safıolla Qalabaıuly Aldajanov, Lımana Qoıshıeva, Baqyt Tólegenuly Abdýkarımov jáne Sýhrab Amınjanuly Myrzashov óz kandıdatýralaryn usyndy. Osylaısha, qazirgi sátte saılaý naýqany barysynda bes úmitker usynyldy. Olardyń bireýi - áıel», - delingen habarlamada.
«Qazaqstan Respýblıkasyndaǵy saılaý týraly» Konstıtýtsııalyq zańnyń 54-baby 2-tarmaǵyna saı, Prezıdenttikke kandıdattyń Konstıtýtsııa men «Qazaqstan Respýblıkasyndaǵy saılaý týraly» Konstıtýtsııalyq zań qoıatyn talaptarǵa sáıkestigin Ortalyq saılaý komıssııasy ózin-ózi usyný týraly ótinish berilgen sátten bastap bes kúnniń ishinde anyqtaıdy.
