QR Prezıdenttigine úmitkerlerdiń eshqaısysy BAQ-qa qandaı da bir eskertý jasaǵan joq - Aıdos Sarym
ALMATY. QazAqparat - Aǵymdaǵy jyldyń 26 sáýirinde Qazaqstanda ótetin prezıdenttik saılaý sarapshylar qaýymdastyǵynyń úlken qyzyǵýshylyǵyn týdyrdy. Elektoraldyq naýqannyń barysy týraly óz pikirin Altynbek Sársenbaev atyndaǵy qordyń jetekshisi, saıasatker Aıdoc Sarym bildirip ótti.
«Jalpy aıtatyn bolsaq, BAQ: saıttar, gazetter, telearnalar barlyq kandıdatqa, árqaısynyń qyzmetine shamamen birdeı ýaqyt bólýde. Muny oń baǵalaýǵa bolady. Bul bizdiń qalyptasyp jatqan saılaý mádenıetimizdiń aıasynda múmkin, zańnama deńgeıinde bekitýge bolatyn jaqsy mádenıet, jaqsy dástúr. Bul turǵydan kelgende, kandıdattardyń eshqaısysy BAQ-tarǵa qandaı da bir keıistik bildirip, eskertý jasaǵan joq», - dedi saıasatker.
