QR Prezıdenttigine úmitker saılaýǵa túsý úshin saılaýshylardyń keminde 93 myńnan astam qolyn jınaýy qajet
«Ortalyq saılaý komıssııasy Qazaqstan Respýblıkasynyń Prezıdenttigine kandıdatty qoldaıtyn saılaýshylardyń durys qoldarynyń sany keminde 93 myń 12 qoldy quraýy tıistigin belgiledi. Qoldardy jınaýdy senim bildirgen adamdar uıymdastyrady. Qoldardy jınaıtyn toptardyń sany men mólsheri shektelmeıdi», - delingen aqparatta.
OSK-niń aqparatyna sáıkes, qol qoıý paraqtaryn berý jáne QR prezıdenttigine kandıdatty qoldap jınalǵaen qoldardyń rastyǵyn tekserý merzimi qysqartylǵan. Qol qoıý paraqtaryn Ortalyq saılaý komıssııasy kandıdattyń Konstıtýtsııa men «Qazaqstan Respýblıkasyndaǵy saılaý týraly» konstıtýtsııalyq zańda belgilengen talaptarǵa sáıkestigi tekserilgennen keıin 2 kúntizbelik kún ishinde beredi. Buǵan deıin bul rásimge 5 kún jumsalatyn.
«Aýmaqtyq saılaý komıssııalarynyń kandıdatty qoldap jınalǵan qoldardyń rastyǵyn tekserý merzimi 10 kúnnen 5 kúnge deıin qysqartyldy», - dedi OSK-den.
