QR Prezıdenttigine úmitker Meıram Qajyken Ulytaý oblysynda bolyp qaıtty
JEZQAZǴAN. QazAqparat – QR Prezıdenttigine úmitker Meıram Qajyken saılaýaldy úgit-nasıhat jumystary aıasynda Ulytaý oblysynda bolyp qaıtty, dep habarlaıdy QazAqparat tilshisi.
Jańadan qurylǵan Ulytaý oblysynda ol Kazakhmys korporatsııasy quramyna kiretin Q. Sátbaev atyndaǵy Jezqazǵan taý-ken metallýrgııa kombınatynyń eńbek ujymymen kezdesti. Sondaı-aq, ol elimizdegi eń iri salalyq kásipodaqtardyń biri – «KásipQorǵan» múshelerimen kezdesý ótkizdi. Uıymda taý-ken metallýrgııa kásiporyndary men aralas óndiristerdiń qyzmetkerleri tirkelgen.
Úmitker óziniń saılaýaldy baǵdarlamasynyń negizgi aspektileri týraly áńgimelep, keıbir taraýlar týraly tolyǵyraq toqtalady.
Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.
