QR Prezıdenttigine kandıdattyń saılaý qorynyń mólsheri 577 mln. teńgeden aspaýy tıis
ASTANA. QazAqparat - QR Prezıdenttigine kandıdattyń saılaý qorynyń mólsheri 577 mln. teńgeden aspaýy tıis. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Ortalyq saılaý komıssııasynyń tóraǵasy Qýandyq Turǵanqulov málim etti.
Prezıdent saılaýyn júrgizýge qarajat respýblıkalyq bıýdjetten bólinetindigin atap ótken ol: «Sonymen qatar prezıdenttikke kandıdattar úgit naýqanyn júrgizý úshin saılaý qorlaryn qurýǵa quqyly. Saılaý qory kandıdattyń jeke qarajatynan jáne kandıdatty usynǵan qoǵamdyq birlestiktiń, azamattar men uıymdar erikti túrde kórsetetin qarjylaı kómekpen qurylady. Árbir kandıdattyń saılaý qorynyń mólsheri 577 mln. teńgeden aspaýy tıis», - dedi.
Onyń aıtýynsha, Ortalyq saılaý komıssııasynyń tapsyrysy boıynsha el azamattaryna prezıdenttik saılaýdy jetkizý maqsatynda rolıkter, plakattar, bılbordtar, sonymen qatar baspa ónimderi daıyndalady.
