QR Prezıdenttigine kandıdattarǵa úgit jumystaryna 7 mln. teńgeden bólinedi
ASTANA. QazAqparat - QR Prezıdenttigine kandıdattarǵa úgit-nasıhat jumystaryn júrgizýge respýblıkalyq bıýdjet qarjysynan 7 mln. teńgeden bólinedi. Búgin QR Ortalyq saılaý komıssııasynyń otyrysynda atalǵan shyǵystardy belgileý týraly qaýly qabyldandy.
«Respýblıkalyq bıýdjet qarjysy esebinen kandıdattardyń úgit-nasıhat jáne kólik shyǵystary óteledi. Sondyqtan atalǵan shyǵystardyń mólsherin belgileý týraly qaýly engizilip otyr. Teledıdar baǵdarlamasy boıynsha sóz sóıleýlerge 5 mln. 250 myń teńge, radıodan sóz sóıleýge 200 myń teńge, baspa basylymdarda eki maqala jarııalaýǵa 810 myń teńge, saılaýshylarmen kezdesýler úshin úı-jaı jaldaýǵa 200 myń teńge, úgit-nasıhat materıaldaryn basyp shyǵarýǵa, 250 myń teńge jáne kólik shyǵystaryna 300 myń teńge qarastyrylady. Jalpy somasy 7 mln. 10 myń teńgeni quraıdy», - dedi qaýly jobasyn tanystyrǵan QR OSK tóraǵasynyń orynbasary V.Foss.
QR OSK músheleri qaýly jobasyn biraýyzdan maquldady.
