QR Prezıdenttigine kandıdattardy memlekettik tildi erkin meńgergendigin anyqtaý jónindegi lıngvıstıkalyq komıssııa quramy bekitildi
Búgingi otyrysqa QR Prezıdenttigine kandıdattardy memlekettik tildi erkin meńgergendigin anyqtaý jónindegi lıngvıstkalyq komıssııany qurý týraly qaýly jobasy usynylyp otyrǵandyǵyn aıtqan QR Ortalyq saılaý komıssııasynyń múshesi Lázzat Súleımen: «QR Konstıtýtsııasy 41-baby 2- tarmaǵyna, Saılaý týraly zańnyń 54-babyna, QR Konstıtýtsııasynyń 41-baby 2-shi tarmaǵyn resmı túsindirý týraly QR Konstıtýtsııalyq keńesiniń 1998 jylǵy qaýlysyna sáıkes Saılaý komıssııasynyń qaýlysynyń jobasy boıynsha QR Prezıdenttigine kandıdattardy memlekettik tildi erkin meńgergendigin anyqtaý jónindegi lıngvıstkalyq komıssııa myna quramda qurylýyn usynamyz: kelisimderi boıynsha, Myrzataı Joldasbekov L.Gýmılev atyndaǵy Eýrazııa ulttyq ýnıversıteti túrkitaný kafedrasynyń meńgerýshisi, fılologııa ǵylymdarynyń doktory, professor; Faýzııa Orazbaeva Abaı atyndaǵy Qazaq ulttyq pedagogıkalyq ýnıversıtetiniń professory, pedagogıka ǵylymdarynyń doktory, QR UǴA korrespondent-múshesi; Dıhan Qamzabekuly L.Gýmılev atyndaǵy Eýrazııa ulttyq ýnıversıtetiniń prorektory, QR UǴA korrospendent-múshesi, fılologııa ǵylymdarynyń doktory, professor; Seıit Qasqabasov L.Gýmılev atyndaǵy Eýrazııa ulttyq ýnıversıteti qazaq ádebıeti kafedrasynyń meńgerýshisi, fılologııa ǵylymdarynyń doktory, professor, QR Memlekettik sylyǵynyń laýreaty, QR UǴA akademıgi; Gúltas Qurmanbaı Nazarbaev ýnıversıteti qazaq tili men mádenıeti kafedrasynyń meńgerýshisi, pedagogıka ǵylymdarynyń doktory, professor. Atalǵan azamattar osy jıynǵa qatysyp otyr. Elimizdiń tanymal qazaq tili men ádebıetiniń mamandary. Lıngvıstıkalyq komıssııany osy quramda bekitilýin usynamyn», - dedi.
QR Ortalyq saılaý komıssııasy lıngvıstıkalyq komıssııa quramyn biraýyzdan maquldady.
