QR Prezıdenttigine kandıdat Jambyl Ahmetbekov óńirlerde úgit-nasıhat júrgizý saparlarynyń qorytyndysyn jasady
ANA. 26 naýryz. QazAqparat /Muratbek Maqulbekov/ - Qazaqstan Kommýnıstik halyqtyq partııasynyń atynan saılýǵa túsetin QR prezıdenttigine kandıdat Jambyl Ahmetbekov jáne onyń senimdi ókilderi Jambyl, Aqtóbe, Qyzylorda, Ońtústik Qazaqstan, Almaty oblystaryna jasaǵan úgit-nasıhat saparlarynyń qorytyndysy boıynsha Qyzylordada baspasóz máslıhatyn ótkizdi.
Bul týraly QR prezıdenttigine kandıdattyń baspasóz qyzmeti málim etip otyr.
J.Ahmetbekov atap ótkendeı, óńir halqy onyń «Jambyl Ahmetbekovtiń úsh bastamasy» atty baǵdarlamasyn jaqsy qabyldaǵan. Ol sondaı-aq aýyl halqynyń jaǵdaıy qatty alańdatatyndyǵyn atap ótti.
Men Aqtóbe men Shymkenttegi qarttar úıinde, jetim balalarǵa arnalǵan ınternat úılerinde boldym, Almaty jáne Qyzylordadaǵy oralmandarmen, jol qyzmetkerleri, stýdent jastarmen kezdestim. Jastardyń eldegi saıası jaǵdaılarǵa etene aralasatyndyǵy qýantty», - deıdi J.Ahmetbekov.
Baspasóz máslıhatyna EQYU atynan baıqylaýshylar qatysty.
