QR Prezıdenttigine kandıdat Saltanat Tursynbekovanyń saılaýaldy shtaby jumysyn bastady
ASTANA. QazAqparat - Elordada QR Prezıdenttigine kandıdat Saltanat Tursynbekovanyń saılaýaldy shtaby jumysyn bastady, dep habarlaıdy QazAqparat tilshisi.
Ortalyq shtabta birneshe qyzmetker bar jáne qajetti jaǵdaılar jasalǵan.
Shtab ókilderiniń aıtýynsha, saılaýaldy úgit-nasıhat jumysyn júrgizý úshin kabınetter, tehnıka jáne baılanys bar. Úgit-nasıhat naýqanynan bes kúni buryn shtab qyzmetkerleri saılaý zańnamasynyń talaptarymen tanysty.
Osylaısha búgin saǵat 18:00-de respýblıkalyq shtab músheleri QR Prezıdenttigine kandıdat Saltanat Tursynbekovany qoldaý jumysyna kiristi.
Sondaı-aq, elordadaǵy shtabta 10-ǵa jýyq adam jumys isteıdi. Odan bólek, elimizdiń 20 óńirinde shtab fılıaldary ornalasqan.
Shtab músheleri úgit-nasıhat naýqanyna daıyndyq jumysy barysynda eshqandaı problema týyndamaǵanyn atap ótti. Olar úgit-nasıhat jumystaryna daıyn.
Eske salsaq, Saltanat Tursynbekova QR Prezıdenti saılaýyna kandıdat retinde «Qazaq analary – dástúrge jol» respýblıkalyq qoǵamdyq birlestiginiń atynan usynylyp, resmı tirkeldi.
