QR Prezıdenttigine kandıdat N. Nazarbaevty qoldaý jóninde Almaty qalasynda 8 shtab quryldy
ALMATY. 16 aqpan. QazAqparat /Názıra Eleýhan/ - Keshe Almatyda qala ákimi, «Nur Otan» HDP Almaty qalalyq fılıalynyń tóraǵasy Ahmetjan Esimov QR Prezıdenttigine kandıdat Nursultan Nazarbaevty qoldaý jónindegi Almatydaǵy saılaý aldyndaǵy qoǵamdyq shtabtyń jumysy jóninde uıymdyq keńes ótkizdi.
Qala basshysynyń aıtýynsha, úgit- nasıhat jumystary ústimizdegi jyldyń 3 naýryzynda bastalyp, 1 sáýirde aıaqtalatyn bolady.
«QR Prezıdenttigine kandıdat Nursultan Nazarbaevty qoldaý jóninde Almaty qalasynda 8 shtab quryldy, onyń 7-i aýdandyq, al 1-i qalalyq. Qalalyq shtabty «Turan» ýnıversıtetiniń rektory, ekonomıka ǵylymynyń doktory, professor Rahman Alshanov basqarady. Shtabtyń quramyna Almaty qalasynyń bedeldi de tanymal adamdary, bilim, óndiris, áleýmettik sala, BAQ, ardagerler men jastar uıymdarynyń ókilderi enetin bolady»,-dedi qala ákimi.
Keńeste Almaty ákimi Ahmetjan Esimov Qazaqstan óziniń EQYU-yna tóraǵalyq jasaý mıssııasy rólin óte joǵary deńgeıde atqarǵandyǵyn, 7-qysqy Azııa oıyndaryn oıdaǵydaı ótkizip, álemdik qoǵamdastyqta úlken bedelge ıe bolǵandyǵyn erekshe atap ótti. Sonymen qatar ol óziniń atyna Azııa Olımpıada keńesi Prezıdentinen alǵys hat kelgendigin, mártebeli laýazym ıesiniń Almatydaǵy aq Azııa oıyndarynyń uıymdastyrylýy men ótkizilýine joǵary baǵa bergendigin aıtty. Sondaı-aq qala basshysy, saılaý barysynda qazaqstandyqtardyń basym kópshiliginiń qazirgi Memleket basshysyn erekshe qoldaıtyndyǵyna senimin bildirdi.
