QR prezıdenttigine kandıdat Mels Eleýsizov 150 jyldyq bulaqty saqtap qalý mindetin aldy
ASTANA. 24 naýryz. QazAqparat - Qazaqstannyń «Tabıǵat» qaýymdastyqtar men kásiporyndardyń ekologııalyq qoǵamynyń tóraǵasy,
QR Prezıdenttiginen kandıdat Mels Eleýsizov 150 jyldyq bulaqty saqtap qalý mindetin aldy, dep habarlady Qazaqstan prezıdenttigine kandıdattyń shtaby.
Bul bulaq kózi Almatyǵa jaqyn jerde Ýkraınskaıa, 45 meken-jaıynda shyǵys aınalma jolǵa jaqyn jerde ornalasqan.
Joldy salý kezinde aýdan turǵyndary bulaqtyń asfalt astynda qalyp qoımaýyn qatań qadaǵalaǵan edi. Osynyń arqasynda bulaq kózi saqtalyp qaldy. Sonaý KSRO ýaqytynda bılik ókilderi emdik qasıeti bar qaınar bulaqtyń janynan shıpajaı salýdy josparlaǵan. Biraq sý quramynda qajetti quramdas zattyń bolmaı shyǵýy, qurylys salýǵa ruqsat berýge kedergi boldy. Bulaq ornynda osy jerde turatyn pravoslavty hrıstıandar sýdyń emdik qasıetin arttyra túsý úshin óz ıkondaryn da ornatqan eken.
Mels Eleýsizov bulaq mańynda turatyn adamdar men qurylysshylardyń kómegimen bulaqty arshý men ony qaıta qalpyna keltirý jumystaryn atqaryp, osy arqyly Qazaqstannyń jer-jerindegi bulaq kózderin ashý baǵdarlamasyn bastamaq.
