QR Prezıdenttigine kandıdat M.Dýambekov memlekettik tildi erkin meńgergendigin anyqtaý jónindegi lıngvıstıkalyq komıssııaǵa emtıhan tapsyrýda

Esterińizge sala keteıik, emtıhan negizgi úsh baǵyt boıynsha ótedi. Birinshi talap boıynsha, kandıdat kólemi eki betten aspaıtyn shyǵarma jazýy kerek. Sondaı-aq úsh betten aspaıtyn mátin oqyp, kópshilik aldynda 15 mınýttan kem emes sóz sóıleýi kerek. «Men qazaq mektebin bitirgen adammyn. Ómir boıy qazaqsha sóılep kelemin. Onyń ústine memlekettik qyzmette júrgende, mınıstrdiń keńesshisi qyzmetin atqaryp júrgende qazaq tilinen baıandamalar daıyndap júrdim. Qoryta aıtqanda, ózimdi qazaq tilin jetik biletin adamdardyń qataryndamyn dep esepteımin»,-deıdi M.Dýambekov.

Kandıdattyń memlekettik tildi meńgerý synynan ótken-ótpegendigin lıngvıstıkalyq komıssııa ókilderi sheshedi. Barshaǵa málim keshe lıngvıstıkalyq komıssııaǵa emtıhan tapsyrǵan prezıdenttikke kandıdat Ýálıhan Qaısarov komıssııa synynan óte almady. Al kandıdat Sálim Óten lıngvıstıkalyq komıssııanyń otyrysyna kele almaı, Ortalyq saılaý komıssııasynan synaq merzimin keıinge shegerýdi surady. Búginde Ortalyq saılaý komıssııasynda Prezıdenttikke kandıdat retinde barlyǵy 3 adam tirkelgen.