QR Prezıdenttigine kandıdat Ǵanı Qasymov ákimshilik basqarýdyń «qysqa» júıesin qurýdy usyndy
ASTANA. 31 naýryz. QazAqparat /Serik Sabekov/ - QR Prezıdenttigine kandıdat Ǵanı Qasymov oblystyq ákimdikti taratýdy usynyp otyr. Bul pikirin ol búgin Astanada ótken onlaın jelidegi konferentsııa barysynda málim etti.
«Men ákimshilik basqarýdyń túsinikti ári «qysqa» júıesin qurýdy usynamyn. Úkimet - mınıstrlik - aýdandyq ákimdikter», - deıdi Ǵ.Qasymov jáne ol óziniń kóppartııalyq parlamentti jaqtaıtynyn atap aıtty.
Ǵ.Qasymovtyń aıtýynsha, qazir oblystar memleket kezinde mol qarjy salǵandyqtan aıaqtan tik turǵan, endi ózderi aqsha tabýy tıis.
«Memlekettiń qarjysy men kómegi aýyldarǵa jiberilýi kerek. Biz bir-eki jyl ishinde aýyldarymyz Estonııa, Frantsııa men Japonııadaǵy sııaqty shaǵyn qalashyqqa aınalatyndaı qaıta quratyn bolamyz», - dep ýáde etti QR prezıdenttigine úmitker.
