QR prezıdenttigine kandıdat Ǵ.Qasymov «Pokolenıe» qozǵalysynyń basshysymen kezdesti
«Pokolenıe» qoǵamdyq qozǵalysynyń jetekshisi Irına Savostınamen kezdesti. Onda zeınetker jasyndaǵy adamdardy áleýmettik qamsyzdandyrý, TKSh problemalary, el azamattaryn qoljetimdi turǵyn úımen qamtamasyz etý máseleleri talqylandy.
«Pokolenıe» qozǵalysynyń ókilderi zeınetaqy esepteý júıesin reformalaýdan keıin ádiletsiz jaǵdaıda qalǵan myńdaǵan zeınetkerlerdiń ótininshterine basa nazar aýdardy.
Ǵ.Qasymovtyń aıtýynsha, onyń saılaýaldy tuǵyrnamasy áleýmettik problemalardy sheshýge baǵyttalǵan. «Bul qozǵalys bizdiń zeınetkerlerimizdiń, ásirese eshqandaı jeńildikke jatpaıtyn adamdardyń quqyqtary men múddelerin qorǵaýda orasan zor jumystar júrgizip keledi», - dep atap kórsetti Ǵ. Qasymov.
«Zeınetaqyny qaıta esepteý, bazalyq zeınetaqy deńgeıin kóterý - halyqtyń áleýmettik áljýaz jikteriniń búgingi kúni eń ózekti máseleleri bolyp otyr. Muny jasyrýǵa bolmaıdy dep sanaımyn. Sondyqtan da Úkimet eń aldymen osy máseleni sheshýi tıis», - dep málimdedi senator.
