QR Prezıdenttigine kandıdat Á. Qusaıynov daýys berdi
ASTANA. QazAqparat - Búgin Prezıdenttikke kandıdat Ábilǵazy Qusaıynov Astana qalasynda kezekten tys Qazaqstan Respýblıkasy Prezıdent saılaýyna daýys berdi.
Mahambet Ótemisuly atyndaǵy qalalyq oqýshylar saraıynda ornalasqan nómiri 98-shi saılaý ýchaskesine Ábilǵazy Qusaıynov alǵashqylardyń biri bolyp keldi. Tirkeýden ótip, bıýlleten aldy. Daýys berip bolǵan soń kandıdat saılaý naýqanyna qatysý barysy týraly buqaralyq aqparat quraldaryna arnap suhbat berdi. Óz sózinde ol ýchaskedegi uıymdastyrý jumystaryna kóńili tolatynyn jetkizdi.
-Jalpy saılaý naýqany qalaı ótkeni tolyqtaı kóńilimnen shyqty. Úlken jumys atqardyq. Búgin memleket úshin tarıhı mańyzdy kún! Daýys berip shyqtym. Saılaý ýchaskesindegi uıymdastyrý jumystary oıdaǵydaı. Endi saılaý qorytyndysyn kútemiz, - QR Prezıdenttigine kandıdat Ábilǵazy Qusaıynov
Ýchaskelik saılaý komıssııasynyń málimetinshe, munda jalpy 2 431 saılaýshy tirkeýde tur.
