QR Prezıdentiniń Teleradıokesheni ujymy «Taza Qazaqstan» ekologııalyq aktsııasyna qatysty
ASTANA. KAZINFORM – Astanada Qazaqstan Respýblıkasy Prezıdentiniń Teleradıokesheni ujymy «Taza Qazaqstan» ekologııalyq aktsııasyna qatysty.
Atap aıtqanda, Memleket basshysynyń tapsyrmasymen respýblıka boıynsha «Taza Qazaqstan» ekologııalyq aktsııasy bastaldy. Naýqan bes aptaǵa sozylady. Ər aptanyń ózindik ataýy men naqty maqsaty bar. Naýqan aıasynda 13 səýirge deıin sozylatyn birinshi apta «Taza ólke» dep ataldy. Bastapqy jeti kún ishinde eldi mekenderdiń turǵyndary, qoǵam belsendileri, uıymdar men kəsiporyndardyń qyzmetkerleri irgeles aýmaqtar men belgilengen aýlalardy tazalady. Al 20 səýirge deıin jalǵasqan ekinshi aptaǵa «Kıeli meken» ataýy berildi. Bul kúnderi tarıhı-mədenı eskertkishter, saıabaqtar aýmaǵyn abattandyrý jumystary júrgiziledi.
Osy turǵyda Qazaqstan Respýblıkasy Prezıdentiniń Teleradıokesheni ujymy senbilik kezinde «Ábý-Dabı Plaza» men Botanıkalyq baq arasyndaǵy 14 gektarǵa sozylǵan saıabaqtyń aýmaǵyn tazalady. Osy saıabaqtan 250-den astam qap qoqys shyǵaryldy.
«QR Prezıdenti Teleradıokesheniniń ujymy elimizdiń áleýmettik saladaǵy bastamalaryna belsendi túrde qatysyp keledi. Biz qalamyzdy jaqsy kóremiz jáne tazalyq pen tártipke úles qosýǵa tyrysamyz. Búgin saıabaqty tazalaýǵa atsalystyq. Aldaǵy ýaqytta qalada 100-den astam kóshet otyrǵyzýdy josparlap otyrmyz. Elordada QR Prezıdentiniń Teleradıokesheni alleıasy bar jáne onyń kútimine qarap júrmiz. Óıtkeni, «Taza Qazaqstan» - ol tek senbilikter ǵana emes, Memleket basshysy jarııalaǵan jańa ekologııalyq mádenıet», - dedi Qazaqstan Respýblıkasy Prezıdenti Teleradıokesheniniń dırektory Raýshan Qajybaeva.
Eske salsaq, «Taza Qazaqstan» aıasynda 27 səýirge deıingi úshinshi aptaǵa «Jasyl aımaq» taqyryby qoıyldy. Bul aptalyqta kóshetter otyrǵyzylady jəne aǵashtar əkteledi. «Ónegeli urpaq» dep atalǵan kelesi aptalyq 4 mamyrǵa deıin jalǵasady. Aıtylǵan kúnderi ardagerler men qarttardyń aýlalaryna tazalyq júrgizilip, olardy abattandyrýǵa kómek beriledi. «Móldir bulaq» ataýy berilgen sońǵy, besinshi aptada sý aıdyndary – ózender men kólderdiń aınalasy qoqystan tazartylady.
Búgin ekologııalyq naýqan aıasynda Astanada eskertkishter men olardyń mańaıynda aýqymdy senbilik ótip jatyr. Bul rette, Mádenı mura nysandarynyń, eskertkishterdiń jáne olarǵa irgeles aýmaqtardyń qasbetterin retke keltirý jumystary iske asyrylyp otyr. Aktsııany belsendi turǵyndar, mádenıet qaıratkerleri, sportshylar, qoǵamdyq jáne úkimettik emes uıymdar, eriktiler, oqýshylar men stýdentter, máslıhat depýtattary, Aýǵan soǵysynyń ardagerleri, memlekettik mekemelerdiń qyzmetkerleri jáne basqalar qoldady. Astanada 117 eskertkish bolsa, onyń 46-sy memleket qorǵaýyna alynǵan.
QR Prezıdentiniń Teleradıokesheni Qazaqstandaǵy eń iri medıa-kompanııalardyń biri sanalady. Onyń quramyna Jibek Joly, Silk Way, Silk Way Cinema telearnalary, «Qazaqparat» - «Kazınform» halyqaralyq aqparat agenttigi jáne Derekti fılmder ortalyǵy kiredi.
