QR Prezıdentiniń Jarlyǵymen Joǵarǵy sot janyndaǵy Sot ákimshilendirý komıteti taratylady
ASTANA. Tamyzdyń 17-si. QazAqparat - Qazaqstan Respýblıkasy Prezıdentiniń Jarlyǵymen Joǵarǵy sot janyndaǵy sot ákimshilendirý komıteti taratylady, onyń bazasynda Joǵarǵy sot janyndaǵy sottar qyzmetin qamtamasyz etý departamenti qurylady. Bul týraly QR Prezıdenti Nursultan Nazarbaev Aqordada quqyq qorǵaý organdarynyń qyzmetin reformalaý máselesi jóninde ótkizilgen keńeste aıtty.
«Sonymen qatar, taratylǵan organnyń sot sheshimderin oryndaýǵa qatysty qyzmetteri jáne osyǵan baılanysty ókilettilikteri Ádilet mınıstrligine beriledi».
Óz kezeginde, uıymdastyrýshylyq, sottardy materıaldyq-tehnıkalyq jáne ózge qamtylýy, sot prıstavtarynyń qyzmetine basshylyq jasaýdy jańadan qurylyp jatqan Joǵarǵy sot janyndaǵy sottar qyzmetin qamtamasyz etý departamenti júzege asyrady», - dedi N.Nazarbaev.
