QR Prezıdentiniń janyndaǵy Memlekettik nagradalar jónindegi komıssııanyń otyrysy bolyp ótti

Bul týraly QR Prezıdentiniń baspasóz qyzmeti habarlady.

«Qazaqstan Respýblıkasynyń memlekettik nagradalary týraly» Zańyna sáıkes memlekettik nagradalarmen marapattaýǵa usynystardy Qazaqstan Respýblıkasynyń Prezıdentine Parlament, Úkimet, mınıstrlikter, ortalyq jáne jergilikti atqarýshy organdar, shyǵarmashylyq odaqtar men basqa da uıymdar engizedi. Memlekettik nagradalar jónindegi komıssııa týraly erejege sáıkes komıssııa kelip túsken usynystardy qarap, laıyqty azamattardy marapattaý úshin Elbasynyń qaraýyna usynady.

«Komıssııanyń búgingi otyrysy álemdik deńgeıdegi tarıhı oqıǵa -Eýropadaǵy qaýipsizdik jáne yntymaqtastyq uıymynyń jańa myńjyldyqtaǵy sammıtinen keıin ótip otyr. On bir jylǵy úzilisten keıin Elbasynyń bastamasy boıynsha osy joǵary deńgeıdegi forýmnyń Astana qalasynda ótýi - halyqaralyq qoǵamdastyqtyń búgingi kúni álemdegi Qazaqstannyń salmaqty rólin, Prezıdent Nursultan Nazarbaevty asa kórnekti álemdik kóshbasshy retinde shynaıy tanýynyń aıqyn kýásine aınaldy. Tarıh EQYU-nyń Astana Sammıtiniń shyn mánindegi mańyzyn áli de laıyqty baǵalaı jatar, alaıda búgin onyń qorytyndylary men Sammıt barysynda qabyldanǵan «Jalpyǵa ortaq qaýipsizdik» atty Astana deklaratsııasy Vankýverden Vladıvostokqa deıingi orasan keńistiktegi qaýipsizdik pen yntymaqtastyqty nyǵaıtýǵa úlken serpin beredi dep senimmen aıtýǵa bolady. Jáne bul barlyq EQYU-ǵa múshe elderdiń osynaý teńdessiz tabysy Tuńǵysh Prezıdentimiz, táýelsiz Qazaqstannyń negizin qurýshy-Elbasy Nursultan Nazarbaevtyń esimimen, bizdiń elordamyz Astanamen árdaıym baılanysty bolady. Bul shynymen de, óziniń táýelsizdiginiń 20 jyldyǵyn atap ótetin jylǵa olımpıadalyq tabyspen qadam basyp otyrǵan Qazaqstannyń juldyzdy sáti deýge bolady», - dep málimdedi Memlekettik hatshy - Syrtqy ister mınıstri Q.Saýdabaev komıssııa otyrysynda.

Komıssııa bıylǵy jyly kelip túsken qujattardy qaraı kele, Memleket basshysynyń qaraýyna mádenıet, ǵylym, bilim berý, densaýlyq saqtaý, agrarlyq sektor salalarynyń ókilderin, soǵys jáne eńbek ardagerlerin, áskerı qyzmetshiler men quqyq qorǵaý organdary qyzmetkerleriniń naqty kandıdatýralaryn usyndy. Sondaı-aq, usynylǵandar qatarynda EQYU-nyń Astana Sammıtin daıyndaýǵa jáne ótkizýge laıyqty úles qosqan otandastarymyzben birge sheteldik qaıratkerler de bar.

Nagradtaý týraly sheshimdi Elbasy Táýelsizdik kúni merekesiniń qarsańynda qabyldaıdy jáne ol Prezıdent Jarlyǵymen resimdeledi.