QR Prezıdentiniń janyndaǵy Kadr saıasaty jónindegi ulttyq komıssııanyń otyrysy ótti

ASTANA. QazAqparat - Búgin Aqordada Qazaqstan Respýblıkasy Prezıdenti Ákimshiliginiń Basshysy Ádilbek Jaqsybekovtiń tóraǵalyǵymen Qazaqstan Respýblıkasy Prezıdentiniń janyndaǵy Kadr saıasaty jónindegi ulttyq komıssııanyń otyrysy bolyp ótti, dep habarlaıdy QazAqparat.

Otyrys barysynda tórtjyldyq eńbek sharttarynyń merzimderi  2017 jylǵy maýsym - tamyz aılarynda aıaqtalatyn «A» korpýsy qyzmetshileriniń memlekettik qyzmetti odan ári ótkerýi jónindegi memlekettik organdardyń usynystary qaraldy.

Memlekettik qyzmet isteri jáne sybaılas jemqorlyqqa qarsy is-qımyl agenttiginiń usynysy boıynsha «A» korpýsy qyzmetshileriniń qyzmetin jyl saıynǵy baǵalaý qorytyndylary bekitildi.

Ulttyq komıssııa Memleket basshysynyń 2017 jylǵy 5 sáýirdegi №456 Jarlyǵyna sáıkes laýazymdary «A» korpýsynan «B» korpýsyna aýystyrylǵan adamdardyń «A» korpýsynyń kadr rezervine qabyldaý jónindegi ótinishterin qarady.