QR Prezıdentiniń jańa ındýstrııalyq baǵdarlamasyn qoldaý aktsııasy bastaldy
Búgin quramynda belgili ánshiler Nurlan Abdýllın, Mádına Sadýaqasova, Aıqyn Tólepbergen, Merýert Túsipbaeva, Almas Kishkenbaev, telejúrgizýshi, akter Azamat Satybaldy, Nazgúl Qarabalına, telejúrgizýshiler Dınara Sátjan, ıAna Bobryka bar top Almaty oblysyndaǵy «RG Brands Kazakhstan» JShS-niń Aqseńgir bólimshesinde, «Danone Berkut» sút ónimderi zaýytynda, «Damu» logıstıkalyq ortalyǵynda, «Aqparattyq tehnologııalar parki» AEA boldy. Esterińizge sala keteıik, bul zaýyttar jańa ındýstrııalyq -ınnovatsııalyq damý baǵdarlamasy aıasynda birqatar jobalardy júzege asyrýda. Shoý bıznes ókilderinen quralǵan qoldaý toby zaýyttardyń jumysymen tanysyp, óndirilip jatqan ónimderdi kórdi. «Aqparattyq tehnologııalar parki» AEA-de olardy QR Indýstrııa jáne jańa tehnologııalar mınıstriniń orynbasary Berik Kamalıev, Almaty oblysy ákiminiń orynbasary Bolat Tákenov qarsy alyp, ındýstrııalyq-ınnovatsııalyq baǵdarlama týraly tolyq maǵlumat berdi. Zaýyttardyń ónimderi men baǵdarlamanyń aýqymdylyǵyn kórip, tańdanysyn jasyra almaǵan óner adamdary elimizdiń shyn máninde damýdyń dańǵyl jolyna bet alǵanyn sezindik deıdi. Olar shara barysynda bul baǵdarlamanyń júzege asýyna búkil halyq bolyp atsalysýǵa shaqyrdy. «Bul istiń basynda biz de júremiz»,- deıdi belgili ánshi Nurlan Abdýllın. «Búgin zaýyttardy aralap kórip, dúkenderde turǵan keıbir zattyń óz elimizde óndiriletinine kózimiz jetti. Shet eldiń ónimderimen básekelese alatyn sapaly ónimderdiń barlyǵyn kórip qýandyq»,-deıdi belgili ánshi, telejúrgizýshi Mádına Sadýaqasova.
Nasıhat toby erteń elimizdiń basqa da qalalaryna attanady. Olar Óskemen, Shymkent, Qaraǵandy, Kókshetaý óńirlerinde bolyp, ındýstrııalyq damý kartasy aıasynda júzege asyrlyp jatqan jobalarmen tanysady. Sondaı-aq halyqqa nasıhattaý jumystaryn júrgizedi. Aktsııa respýblıkalyq teleefırden kórsetilmek.
