QR Prezıdentiniń zeınetaqy júıesin jańǵyrtýdy 2018 jylǵa deıin sozýy - onyń qazaqstandyqtarǵa degen qamqorlyǵy
ALMATY. 19 maýsym. QazAqparat - «Prezıdent Nursultan Nazarbaevtyń zeınetaqy júıesin jańǵyrtý máselesiniń merzimin 2018 jylǵa aýystyrýy óte durys boldy. Bul - naǵyz batyl málimdeme» - dedi QazAqparattyń tilshisine Almaty gýmanıtarlyq-tehnıkalyq ýnıversıtetiniń rektory, pedagogıka ǵylymdarynyń doktory, profesor Dına Júsipálıeva.
«Nursultan Nazarbaev halyqtyń taǵdyryna, júgi aýyr qujattyń qabyldaýyn kidirte turýdy suraǵan áıelderdiń tilegine beıjaı qaramady. Elbasy óz ultynyń qamqorlyǵy men qazaqstandyqtardyń ál-aýqaty máselesin birinshi orynǵa qoıady», - dep atap ótti ǵalym. Onyń sózinshe, bul - Elbasy danalyǵynyń, saıası kóregendiginiń, qazaqstandyqtardyń ál-aýqaty máselesine qatysty kez kelgen suraqty jan-jaqty oılanyp baryp sheshetindiginiń taǵy bir aıqyn kórinisi.
«Adamǵa degen janashyrlyq dep osyny aıt. Biz Prezıdentimizdi maqtan tutamyz. Qazaqstannyń qaryshtap damyp kele jatqany - sol kisiniń arqasy. Elimiz damýdyń jańa satysyna kóterilgeli tur», - dep málimdedi D. Júsipálıeva.
