QR Prezıdentiniń teleradıokesheni «Týǵan jer» shyǵarmashylyq jobasyn iske qosty
«Qazaq dalasyndaǵy qasıetti jerler - zaıyrly hám dinı sáýlet eskertkishteri, ulttyń jadynda óshpes iz qaldyrǵan tarıhı-saıası oqıǵalarmen baılanysty oryndar, mádenı mura nyshandary kópten-kóp.
Bul oraıda «Týǵan jer» atty shyǵarmashylyq jobamyzdyń aıasynda qazaq eliniń kıeli jerlerin sholyp, jańa qyrynan kórsetýge, tarıh marjandaryn túgendeýdi negiz ettik. Búgingi sıýjette sizderdi Aqtóbe aımaǵymen tanystyrmaqshymyz», dep jazyldy Teleradıokeshenniń Feısbýktegi paraqshasynda.
«Aqtóbe alyp terrıtorııasymen qosa geografııalyq kelbeti de kelisti ólke. Ári qazbaǵa baılyǵy óte mol. Aımaq este joq erte zamannan beri qazaq jerindegi qutty qonystardyń biri.
Bul dala úshin 8-9-shy ǵasyrlarda oǵyz ben pechenegterdiń arasynda qııan keski urystar bolǵany tarıhtan málim. Sodan soń Deshti Qypshaqtyń ortalyǵy sanaldy. Odan beri de talaı tarıhtyń izi saırap jatyr. Demek, Aqtóbe jerinde júrgizilgen, budan bylaı da júrgizile beretin árbir tarıhı-arheologııalyq zertteýdiń túp-tamyrymyzdy tanı túsýimizge tıgizer paıdasy zor bolmaq.
Tolyǵyraq derekti fılmdi YouTube arnasynan kórýge bolady.
