QR Prezıdentiniń Teleradıokesheni «Qyzǵaldaq júregi - Otan júregi» fılmin túsirdi
ASTANA. QazAqparat - QR Prezıdentiniń Teleradıokesheni YouTube arnasyna «Qyzǵaldaq júregi - Otan júregi» derekti fılmin jarııalady, dep habarlaıdy QazAqparat.
Fılmde qyzǵaldaqtardyń paıda bolýy týraly aıtylǵan, dep jazady QR Prezıdentiniń Teleradıokesheni Feısbýktegi paraqshasynda.
Fılmde Qazaqstandaǵy qyzǵaldaqtar alqabyn tamashalap, elimiz týraly paıdaly maǵlumat alýǵa bolady. Fılm qazaq, orys jáne aǵylshyn tilderinde daıyndalǵan.
«Qyzǵaldaqtardyń ondaǵan mıllıon jyl buryn shól dalada jáne Tıan-Shan taýynyń bókterinde, qazirgi Qazaqstan aýmaǵynda paıda bolǵanyn bilesizder me? Qazirgi Qazaqstan qyzǵaldaqtardyń otany. Búginde álemde qyzǵaldaqtyń 3 myńnan astam suryptary bar. Onyń basym bóligi - Qazaqstan gúlderiniń «tuqymy», - delingen TRK paraqshasynda.
Foto: mfa.gov.kz
