QR Prezıdentiniń Teleradıokesheni Aýǵanstanǵa qatysty derekti fılm usynady
NUR-SULTAN. QazAqparat – QR Prezıdentiniń Teleradıokesheni Aýǵanstandaǵy ahýalǵa qatysty derekti fılm usynady, dep habarlaıdy QazAqparat.
«Tálibter tártibi jáne Aýǵanstan Islam Ámirliginiń qurylýy barlyǵynyń derlik kóńilinen shyqpaıdy. Alaıda, qandaı balama bar? Buǵan jaýap – Qazaqstan Prezıdentiniń Dýshanbede UQShU jáne ShYU sammıtterinde, sondaı-aq eki birlestiktiń tarıhtaǵy alǵashqy birlesken otyrysynda aıtqan bastamalarynda.
Jaqynda QR Prezıdentiniń Teleradıokesheni daıyndaǵan «Aýǵan shyrmaýy» derekti fılmin kórińizder», - delingen Prezıdenttiń Teleradıokesheni habarlamasynda.
Eske sala keteıik, 17 qyrkúıekte Qazaqstan Prezıdenti Qasym-Jomart Toqaev Dýshanbede UQShU men ShYU-ǵa múshe memleketter basshylarynyń birlesken otyrysyna qatysty.
Qazaqstan Prezıdentiniń pikirinshe, UQShU men ShYU-ǵa múshe memleketter Aýǵanstannyń jańa bıligimen beıresmı dıalog qurýǵa bastama jasaǵany jón.
Sondaı-aq Q.Toqaev: «Aýǵanstandaǵy kezekti jaǵdaı kóptegen eldi, eń aldymen, kórshiles memleketterdi jańa syn-qaterlermen betpe-bet qaldyryp, óńirdegi ahýaldy birden ózgertip jiberdi. Mundaı jaǵdaıda biz jahandyq ózgeristerge jaqsylap daıyndalýymyz kerek», – dep atap ótti.
