QR Prezıdentiniń tekserýlerge moratorıı engizý týraly Jarlyǵyna ózgerister engizildi

NUR-SULTAN. QazAqparat – Qazaqstan Prezıdentiniń «Qazaqstan Respýblıkasynda tekserýlerge jáne profılaktıkalyq baqylaý men qadaǵalaýdy baryp júrgizýge moratorıı engizý týraly» Jarlyǵyna ózgerister engizildi, dep habarlaıdy QazAqparat.

Engizilgen ózgerister jónindegi Jarlyqtyń mátini búgin Aqordanyń resmı saıtynda jarııalandy.

«Qazaqstan Respýblıkasynda tekserýlerge jáne profılaktıkalyq baqylaý men qadaǵalaýdy baryp júrgizýge moratorıı engizý týraly» Qazaqstan Respýblıkasy Prezıdentiniń 2019 jylǵy 26 jeltoqsandaǵy № 229 Jarlyǵyna tolyqtyrý engizý týraly

QAÝLY ETEMІN:

1. «Qazaqstan Respýblıkasynda tekserýlerge jáne profılaktıkalyq baqylaý men qadaǵalaýdy baryp júrgizýge moratorıı engizý týraly» Qazaqstan Respýblıkasy Prezıdentiniń 2019 jylǵy 26 jeltoqsandaǵy № 229 Jarlyǵyna (Qazaqstan Respýblıkasynyń PÚAJ-y, 2019 j., № 65-66, 474-qujat) mynadaı tolyqtyrý engizilsin:

1-tarmaq mynadaı mazmundaǵy 12) tarmaqshamen tolyqtyrylsyn:

«12) memlekettik aýdıt jáne qarjylyq baqylaý obektileri.».

2. Osy Jarlyq alǵash resmı jarııalanǵan kúninen bastap qoldanysqa engiziledi.

Qazaqstan Respýblıkasynyń

Prezıdenti Q.Toqaev

Nur-Sultan, Aqorda, 2020 jylǵy 17 qyrkúıek

№ 417