QR Prezıdentiniń memlekettik josparlaý júıesiniń tıimdiligin arttyrýǵa baǵyttalǵan Jarlyǵyna túsindirme
ASTANA. 4 qyrkúıek. QazAqparat - QR Prezıdenti Ákimshiliginiń Strategııalyq ázirlemeler jáne taldaý ortalyǵy resmı BAQ-ta Memleket basshysynyń eldegi qoldanystaǵy memlekettik josparlaý júıesiniń tıimdiligin arttyrýǵa baǵyttalǵan Jarlyǵyna túsindirmeni jarııalady.
«Qazaqstan Respýblıkasy Prezıdentiniń keıbir jarlyqtaryna ózgerister men tolyqtyrýlar engizý týraly» Qazaqstan Respýblıkasy Prezıdentiniń 2012 jylǵy 27 tamyzdaǵy № 371 Jarlyǵyna
TÚSІNDІRME
2012 jylǵy 27 tamyzda Memleket basshysy «Qazaqstan Respýblıkasy Prezıdentiniń keıbir jarlyqtaryna ózgerister men tolyqtyrýlar engizý týraly» Jarlyqqa (budan ári - Jarlyq) qol qoıdy.
Jarlyqpen Qazaqstan Respýblıkasy Prezıdentiniń birqatar jarlyqtaryna, atap aıtqanda «Qazaqstan Respýblıkasynyń memlekettik josparlaý júıesi týraly» 2009 jylǵy 18 maýsymdaǵy №827, «Qazaqstan Respýblıkasynyń memlekettik josparlaý júıesiniń odan ári jumys isteýiniń keıbir máseleleri týraly» 2010 jylǵy 4 naýryzdaǵy №931 jáne t.b. jarlyqtaryna ózgerister men tolyqtyrýlar engizildi.
Tutastaı alǵanda Jarlyq eldiń qoldanystaǵy Memlekettik josparlaý júıesiniń (budan ári - MJJ) tıimdiligin arttyrýǵa baǵyttalǵan.
Atap aıtqanda, Jarlyq:
MJJ normalaryn Qazaqstan Respýblıkasy Bıýdjettik kodeksi erejelerine, Qazaqstan Respýblıkasy «Memlekettik múlik týraly» jáne «Ulttyq ál-aýqat qory týraly» zańdaryna, Qazaqstan Respýblıkasy Prezıdentiniń 2011 jylǵy 2 mamyrdaǵy «Óńirlerde syrtqy memlekettik qarjylyq baqylaý organdaryn jetildirý týraly» № 67 Jarlyǵyna sáıkestendirýdi;
MJJ qujattaryn oryndaý barysy týraly eseptilik sanyn ońtaılandyrý, sonymen qatar olardy usyný merzimin úılestirýdi;
Memleket basshysynyń Qazaqstan halqyna jyl saıynǵy joldaýlaryn iske asyrý boıynsha jalpyulttyq is-sharalar josparlaryn ázirleý, monıtorıngileý jáne iske asyrýdy baqylaý tártibin reglamentteýdi;
MJJ jekelegen qujattarynyń qurylymyn jetildirýdi;
MJJ qujattarynyń oryndalýyn baqylaýdy reglamentteýdi;
MJJ qujattaryn iske asyrýdyń nátıjeliligine jáne tıimdiligine degen jaýapkershilikti keńeıtýdi;
strategııalyq jáne baǵdarlamalyq qujattaryna monıtorıng jáne baǵalaý júrgizý qorytyndysy boıynsha Qazaqstan Respýblıkasy Úkimeti qorytyndylarynyń mazmunyna talaptar belgileýdi kózdeıdi.
Qazaqstan Respýblıkasy Prezıdenti Ákimshiliginiń
Strategııalyq ázirlemeler jáne taldaý ortalyǵy
