«QR Prezıdentiniń Kýbogy» týrnırine 13 memleket qatysady
Kýbokke Aljır, Bolgarııa, Grýzııa, Úndistan, Qazaqstan, Qytaı, Qyrǵyzstan, Mońǵolııa, Reseı, Sırııa, Fılıppın, Ózbekstan jáne Tájikstan elderiniń boksshylary qatysady.
Jekpe-jekter erler arasynda segiz salmaq dárejesinde jáne áıelder arasynda bes salmaq dárejesinde ótedi.
Birinshi oryn alǵan boksshylar 2000 USD, ekinshi oryn – 1000 USD, úshinshi oryn – 500 USD mólsherinde syıaqy alady.
Týrnırge 2017 jylǵy Álem chempıony Qaırat Eralıev (57 kg deıingi salmaq dárejesi), 2017 jylǵy jastar arasyndaǵy Azııa chempıony Sanatalı Toltaev (63 kg), 2016 jylǵy Olımpıadaǵa qatysýshy, 2017 jylǵy Álem chempıonatynyń jáne Azııa chempıonatynyń júldegeri Abylaıhan Júsipov (69 kg), 2017 jylǵy Álem chempıonatynyń jáne Azııa chempıonatynyń, 2018 jylǵy jazǵy Azııa oıyndarynyń júldegeri Ábilhan Amanqul (75 kg) qatysady.
Sonymen qatar, 2017 jylǵy Azııa chempıonatynyń júldegeri Erik Áljanov (81 kg), 2017 jylǵy 2016 jylǵy Olımpıada oıyndarynyń kúmis júldegeri Vasılıı Levıt (91 keli), 2017 jylǵy Álem chempıonatynyń jáne Azııa chempıonatynyń júldegeri Qamshybek Qońqabaev syndy boksshylar da jekpe-jekterge shyǵady.
Áıelder arasynda Qazaqstannyń bolashaǵy zor boksshylar qatarynda eki dúrkin álem chempıony Nazym Qyzaıbaı (51 kg), 2016 jylǵy Olımpıada júldegeri Darıǵa Shákimova (75 kg), 2012 jylǵy Olımpıada júldegeri Marına Volnova (75 kg) jáne 2017 jylǵy Azııa chempıony Madına Nurshaeva (64 kg) óner kórsetedi.
Týrnırdiń ashylýy 16 shilde kúni saǵat 14: 00-de «Dáýlet» sport kombınatynda ótedi.
Foto: kfb.kz