QR Prezıdentiniń kýbogy: Levıt koreılik qarsylasyn jeńdi
ASTANA. QazAqparat - Elordada bastalǵan Qazaqstan Prezıdenti kýbogy úshin bokstan halyqaralyq týrnırde Vasılıı Levıt birinshi qarsylasyn jeńdi. Bul jaıynda QR Boks federatsııasynan málim etti, dep habarlaıdy QazAqparat.
«Búgin Vasılıı Levıt Azııa chempıonatyna qatysqan Ońtústik Koreıa boksshysy Ink Kımmen sharshy alańda kezdesip, týrnırdegi birinshi jeńisine qol jetkizdi», - delingen federatsııa habarlamasynda.
Aıta keterligi, baıraqty básekege Qazaqstan, Iran, Úndistan, Reseı, Mońǵolııa, Fılıppın, Ózbekstan, Qyrǵyzstan, Ýkraına jáne Koreıa bylǵary qolǵap sheberleri qatysýda. Erlerden 82 jáne qyzdar 31 boksshy chempıondyq ataq pen Kýbok ıgeri atanýy úshin sharshy alańda judyryqtasatyn bolady.
Aıta keterligi, birinshi oryn alǵan boksshy 2 myń, ekinshi oryn alǵany 1 myń jáne úshinshi oryn alǵany 500 dollar syıaqy alady.
Prezıdent kýbogynda Qazaqstan atynan 3 qurama qatysýda.
Erler komandasynda 43 sportshy bar. Onyń 19-y ulttyq quramanyń múshesi, 16-sy óńirlerdiń bylǵary qolǵap sheberi jáne Astana arlandary klýbynyń 8 boksshysy. Qyzdar quramasy sapynda ulttyq quramanyń 13 jáne óńirlerdiń 16 bylǵary qolǵap sheberleri el namysyn qorǵaıdy.
Fınaldyq kezdesýler 10 maýsymda ótedi.
