QR Prezıdentiniń kýbogi týrnıri otandyq sporttyń damýyna úlken serpin beredi - «Nur Otan» HDP
STANA. Tamyzdyń 9-y. QazAqparat /Jasulan Amanbaıuly/ - QR Prezıdentiniń kýbogi - Qazaqstan hokkeıiniń damýyna ǵana emes, búkil otandyq sporttyń damýyna úlken serpin beredi.
Búgin halyqaralyq jarys qarsańynda uıymdastyrylǵan baspasóz máslıhatynda «Nur Otan» HDP Ortalyq apparatynyń tóraǵasy Vıktor Mıller osylaı atap kórsetti.
Eske sala keteıik, Qazaqstan hokkeıiniń tarıhynda alǵash ret uıymdastyrylyp otyrǵan Prezıdent kýbogi jolyndaǵy jarys erteń, tamyzdyń 10-da bastalady. Іsi sport básekesin «Nur Otan» HDP jáne Qazaqstannyń Shaıbaly hokkeı federatsııasy qolǵa alyp otyr.
Týrnırge Reseı, Belarýs, Latvııa jáne Qazaqstan komandalary qatysady. Hokkeı jankúıerleri Qurlyqtyq hokkeı lıgasynda zor bedelge ıe Máskeý oblysynyń «Atlant», Mınsk men Rıga qalalarynyń «Dınamo» komandalarynyń jáne otandyq «Barys» klýbtarynyń ózara kezdesýlerin tamashalaı alady.
Astanalyq «Barys» komandasy birinshi kezdesýin tamyzdyń 10-y kúni «Atlantpen» ótkizedi.
«Buqaralyq sportty halyq arasynda nasıhattaý jumysy - «Nur Otan» partııasynyń basymdyqtarynyń biri. Biz osyndaı úlken sporttyq sharalardy uıymdastyrý arqyly eldegi halyqty sporttqa tartýdy kózdeımiz», deıdi Vıktor Mıller.
Onyń atap kórsetkenindeı, jarys qarsańynda «Nur Otan» partııasy hokkeıden QR Prezıdenti kýbogi jolyndaǵy aıtýly básekeni uıymdastyrý ıdeıasyn qoldaýǵa baǵyttalǵan kóptegen sharalar men aktsııalar ótkizdi.
