QR Prezıdentiniń kóregen saıasatynyń arqasynda ınvestorlarda Qazaqstanda jumys jasaýǵa múmkindik týdy - álemdik kompanııalar ókilderi
ASTANA. Shildeniń 10-y. QazAqparat - Nursultan Nazarbaevty mereıtoıymen jáne Elorda kúnimen quttyqtaǵan kóptegen hattar belgili korporatsııalar men kompanııalardyń jetekshilerinen jáne ókilderinen kelip tústi, dep habarlaıdy QR Prezıdentiniń baspasóz qyzmeti.
Eýropa qaıta qurý jáne damý bankiniń Prezıdenti Tomas Mıroý óziniń jáne ózinen burynǵy áriptesteriniń Nursultan Nazarbaevty árdaıym jaqsy dos, senimdi áriptes jáne Qazaqstannyń damýyna ózderiniń atsalysýlaryn laıyqty baǵalaı biletin jan retinde tanyǵanyn jazady.
«Shevron» korporatsııasy atynan N.Á.Nazarbaevty Devıd O Raılı quttyqtap, mereıtoı ıesine «Qazaqstan Respýblıkasynyń baıandy bolashaǵyn qalaý jónindegi jumysynda uzaq ta salamatty ǵumyr jáne baqyt» tileıdi.
Adrıaan Van der Meer Halyqaralyq ǵylymı-tehnıkalyq ortalyqtyń Basqarýshylar Keńesiniń atynan Nursultan Nazarbaevty mereıtoıymen quttyqtap, Qazaqstan Prezıdenti usynǵan eldi damytýdyń tujyrymdamasyna óziniń qoldaý bildiretinin jetkizedi.
«Itera» dırektorlar keńesiniń tóraǵasy I.V. Makarov Nursultan Nazarbaevqa kompanııa basshylyǵy men ujymy atynan shyn júrekten shyqqan jáne ıgi maqsattardy júzege asyrý jolynda tabystar men sáttilikter tilegen quttyqtaýlaryn jetkizgen.
Tokıo-Mıtsýbısı Bankiniń basqarma tóraǵasy Katsýnorı Nagaıasý Memleket basshysyn mereıtoıymen jáne bizdiń elimiz qol jetkizgen zor jetistiktermen quttyqtaıdy. «Bizdiń bank úshin Qazaqstanmen ózara qarym-qatynasty nyǵaıtý basym maqsat bolyp tabylady. Biz aldaǵy ýaqytta da Qazaqstannyń damýyna qýana-qýana túrli kómek kórsetetin bolamyz» delingen hatta.
«Rýsal» kompanııasynyń bas dırektory O.Derıpaska óz quttyqtaýynda Nursultan Nazarbaevtyń ómiri - «bıik adamı ańsarlarǵa rııasyz qyzmet etýdiń jarqyn úlgisi» ekenin atap ótken.
«Qazaqstan Respýblıkasy basshylyǵyndaǵy sizdiń san qyrly qyzmetińiz maqsatqa jetýdegi tabandylyqtyń, bıik patrıottyq sezimniń, azamattyq boryshqa adaldyqtyń aıshyqty kórinisi», - delingen Nursultan Nazarbaevtyń atyna joldanǵan Reseıdiń «Vneshekonombank» tóraǵasy V.A.Dmıtrıevtiń quttyqtaý hatynda.
«KonokoFıllıpstiń» dırektorler keńesiniń tóraǵasy Dj. Dj. Malva Memleket basshysyn mereıtoıymen quttyqtaı kele, «kompanııa Qazaqstannyń jetistikterin jáne Sizdiń elińizdiń qarqyndy damýy men gúldenýine qosyp jatqan óz úlesin maqtanysh tutatynyn» atap aıtqan.
«Bı Djı Grýpp» kompanııasynyń jáne jeke óziniń atynan Prezıdent N.Á.Nazarbaevty Frank Chapman quttyqtady. «Osy múmkindikti paıdalana otyryp, Sizdi ózińiz qol jetkizgen eleýli tabystaryńyzben quttyqtaǵym keledi, - dep jazady F.Chapman. - Sizdiń alysty kózdegen kóregen saıasatyńyzdyń arqasynda halyqaralyq ınvestorlarǵa Qazaqstanda jumys isteýge múmkindik paıda boldy».
Óz kezeginde «Bı Djı Kazaqstan» kompanııasynyń prezıdenti Mark Rollınz Memleket basshysyn ózi basqaratyn kompanııanyń «alda da Siz jáne Qazaqstan Úkimeti qoıǵan basym mindetterdi oryndaýǵa qoldaý kórsete beretinine» sendiredi quttyqtaý hatynda.
«PetroKazaqstannyń» san myńdaǵan ujymy atynan N.Á.Nazarbaevty kompanııa prezıdenti Veı ıÝısıan quttyqtady. Ol Qazaqstan halqy óziniń kóp jetistikterin óz Prezıdentiniń, «búgingi eldiń ult kóshbasshysynyń» atymen baılanystyratynyn aıtady.
