QR Prezıdentiniń kóptegen nusqaýlary Internet betin sharlap, dáıeksózderge aınalyp ketti
ASTANA. QazAqparat - Qazaqstan Respýblıkasynyń Prezıdenti Nursultan Nazarbaevtyń Úkimettiń keńeıtilgen otyrysynda sóılegen sózi qazaqstandyqtardyń júregine senim uıalatty. QazAqparat tilshisine elordanyń 27 jastaǵy turǵyny Igor Nesen osyndaı pikirin bildirdi.
«Úkimettiń keńeıtilgen otyrysynyń barysyn muqııat qaradym, óıtkeni kún tártibinde óte mańyzdy máseleler qozǵaldy. Biz álemde ne bolyp jatqanyn kórip otyrmyz, - barlyq elder qıynshylyqtardy bastan keshýde, keı jerlerde jaǵdaı ýshyǵa túsken, ókinishke oraı janjaldar da bolyp jatyr. Sondyqtan da adamdar ózderiniń bolashaǵyna alańdaýly. Memleket basshysynyń sózderi oryndy aıtylǵan. Olar búkil qazaqstandyqtardyń turaqty bolashaǵyna senim uıalatty», - dep atap ótti I.Nesen.
Onyń aıtýynsha, Qazaqstan Prezıdentiniń kóptegen nusqaýlary dáıeksóz retinde Internetti sharlap ketti jáne árbir qazaqstandyq olardy is-qımylǵa basshylyqqa aldy. «Qazir halyqtyń basym bóligi álemdik jelini paıdalanady, teledıdar qaraıdy. Sondyqtan da Nursultan Ábishulynyń sózderi otbasynda, ujymdarda tilge tıek etiledi. Olardy elimizdiń árbir turǵyny kúndelikti qyzmetinde negizge alýy tıis dep oılaımyn. Memleket basshysy aıtqandaı, bárimiz birge ǵana qazirgi zaman qaterlerin eńsere alamyz. Biz muny isteıtinimizge senimdimin. Bilekti sybanyp, ásirese bizder, jastar iske kirisýimiz qajet», - dep sózin túıindedi suhbattasýshy.
