QR Prezıdentiniń kómekshisi-Qaýipsizdik keńesiniń hatshysy M.Tájın quqyqtyq statıstıka jáne arnaıy esepke alýdyń atqaratyn ornyna arnalǵan keńes ótkizdi
ASTANA. 16 qarasha. QazAqparat. Búgin QR Prezıdentiniń kómekshisi - Qaýipsizdik keńesiniń hatshysy M.Tájın Bas prokýratýrada Ekonomıkalyq qylmysqa jáne sybaılas jemqorlyqqa qarsy kúres agenttiginiń Tóraǵasy Q.Qojamjarovtyń, Іshki ister Mınıstri Q.Qasymovtyń, Prezıdent Ákimshiliginiń bólim meńgerýshisi A.Shpekbaevtyń, Prezıdent Ákimshiliginiń, quqyq qorǵaý organdarynyń basqa da jaýapty qyzmetkerleriniń qatysýymen azamattardyń konstıtýtsııalyq quqyqtaryn saqtaýdy qamtamasyz etýdegi quqyqtyq statıstıka jáne arnaıy esepke alýdyń atqaratyn ornyna arnalǵan keńes ótkizdi,
dep habarlaıdy QR Bas prokýratýrasynyń baspasóz qyzmeti.
Bas Prokýror Ashat Daýylbaev jáne Bas prokýratýranyń Quqyqtyq statıstıka jáne arnaıy esepke alý jónindegi komıtetiniń tóraǵasy Marat Ahmetjanov Bas prokýratýranyń Quqyqtyq statıstıka jáne arnaıy esepke alý jónindegi komıtetiniń taldamaly jáne aqparattyq-boljamdyq jumystarynda ınnovatsııalyq tehnologııalardy qoldanýynyń nátıjeleri týraly baıandady. Qylmystyq jaǵdaıdyń úrdisi neǵurlym jetildirilgen preventıvti quqyq qorǵaý sharalaryn qabyldaý úshin búkil quqyq qorǵaý blogynyń kúshterin shoǵyrlandyrý qajettigin bildiretinin asa atap ótildi.
Qoǵamdaǵy quqyqtyq qubylystyń barynsha kóp spektrlary týraly eń tolyq jáne rastalǵan quqyqtyq aqparattarǵa ıe zamanaýı aqparattyq tehnologııalar jumystaǵy asa mańyzdy tirek bolyp tabylady, ony zańdylyq pen quqyqtyq tártipti qamtamasyz etý isine der kezinde jáne sheber qoldanýdyń mańyzy zor.
Qoǵamdaǵy quqyqtyq qubylystyń barynsha kóp spektrlary týraly eń tolyq jáne rastalǵan quqyqtyq aqparattarǵa ıe zamanaýı aqparattyq tehnologııalar jumystaǵy asa mańyzdy tirek bolyp tabylady, ony zańdylyq pen quqyqtyq tártipti qamtamasyz etý isine der kezinde jáne sheber qoldanýdyń mańyzy zor.
Komıtet bir ıntegratsııalandyrylǵan derekter bankine biriktirilgen arnaıy esepke alýdyń 13 túri júrgizýdy qamtamasyz etedi. Olardyń arasynda sondaı-aq terrorıstik qyzmetti júzege asyrǵany jáne sot terrorıstik dep tanyǵan qyzmetti uıymdastyrǵany úshin jaýapkershilikke tartylǵan adamdar týraly; ekstremızm úshin jáne sot ekstremıstik dep tanyǵan qyzmetti uıymdastyrǵany úshin jaýapkershilikke tartylǵan adamdar týraly málimetter de bar.
Ózektilikti jáne quqyqtyq taldaýdy eskere otyryp, jańa málimetter de qalyptastyrylýda. Osy jyly memlekettik qyzmetten teris sebepter boıynsha shyǵarylǵan adamdardy esepke alý engizildi. Keleshekte kámeletke tolmaǵandar arasynda óz-ózine qol jumsaý, JKO jáne onda zardap shekkenderdiń esebin júrgizý josparlanyp otyr.
Qoldaǵy quqyqtyq aqparattar 43 túrli statıstıkalyq eseptemeler esebinen udaıy tolyqtyrylyp turady. Olardyń barlyǵy jańa aqparattyq tehnologııalar negizinde Biryńǵaı biregeılendirilgen statıstıkalyq júıege engizilgen.
Endi, quqyq buzýshy týraly tolyq aqparat alý úshin quqyq qorǵaý organdary bir elektrondyq saýal jiberse boldy, lezde jaýap ala alady. Bul rette, qazirgi zamanǵy quqyqtyq statıstıka quqyq qorǵaý organdaryn quqyq buzýshylyqtardyń aldyn alýǵa baǵyttaý úshin taldaý jáne boljaý jumystaryn júrgizýge múmkindikter beredi.
Qatysýshylar Komıtettiń arnaıy esepke alýdy júrgizýdi uıymdastyrý jáne qylmystyq-quqyqtyq statıstıka qalyptastyrý jónindegi jumystarymen tanysty.
Qaýipsizdik Keńesiniń Hatshysy M.Tájın quqyq qorǵaý organdary qyzmetiniń tıimdiligin edáýir arttyrýǵa múmkindik beretin quqyqtyq statıstıka júıesindegi ınnovatsııalyq jobalardy iske asyrý nátıjelerine oń baǵa berdi. Ol quqyq buzýshylyqtardyń aldyn alý, azamattardyń quqyqtaryn pármendi qorǵaý boıynsha der kezindegi sharalardy boljaýǵa jáne qabyldaýǵa baǵyttalǵan aqparattyq-taldaý jumystaryn odan ári jetildirý jónindegi jumystardy jalǵastyra berýdi tapsyrdy.
