QR Prezıdentiniń kómekshisi - Qaýipsizdik keńesiniń hatshysy Ǵabıt Baıjanov birqatar kezdesý ótkizdi
Ujymdyq qaýipsizdik shart uıymynyń jarǵylyq organdarynyń birlesken otyrysyna jáne Ujymdyq qaýipsizdik keńesiniń sessııasyna daıyndyq aıasynda Prezıdenttiń kómekshisi - Qaýipsizdik keńesiniń hatshysy Ǵabıt Baıjanov birqatar halyqaralyq kezdesýler ótkizdi.
Qyrǵyzstan Qaýipsizdik keńesiniń hatshysy Damır Saǵynbaevpen áńgimelesý barysynda óńirlik qaýipsizdikti qamtamasyz etý jolynda beıindi qurylymdar baǵyty boıynsha ózara tyǵyz is-qımyl jasaýdyń mańyzdylyǵy atap ótildi.
Talqylaý nátıjesinde eki eldiń múddeli memlekettik organdary deńgeıinde turaqty dıalog ornatýǵa baǵyttalǵan sharalar kelisildi.
Armenııa Qaýipsizdik keńesiniń hatshysy Armen Grıgorıan zamanaýı qaýip-qaterlerge qarsy is-qımyl salasynda eki jaqty yntymaqtastyqtyń yqtımal joldaryn talqylaýdy usyndy.
Ótken pikir almasý Ujymdyq qaýipsizdik shart uıymy aıasynda ujymdyq qaýipsizdikti qamtamasyz etý maqsatymen elderimiz arasyndaǵy qarym-qatynastardy odan ári damytýdyń qajettiligin rastady.
Belorýssııalyq áriptes - Qaýipsizdik keńesiniń Memlekettik hatshysy Stanıslav Zas áskerı-tehnıkalyq saladaǵy yntymaqtastyqtyń eleýli áleýetine nazar aýdardy.
Halyqaralyq jáne óńirlik saıasattyń ózekti máseleleri jónindegi ustanymdardyń uqsastyǵy atap ótildi.
Syrtqy ister mınıstrleri keńesiniń, Qorǵanys mınıstrleri keńesiniń, Qaýipsizdik keńester hatshylary komıtetiniń birlesken otyrysy jáne memleketter basshylarynyń qatysýymen Ujymdyq qaýipsizdik shart uıymy Ujymdyq qaýipsizdik keńesiniń sessııasy 8 qarashada Astanada ótedi.