QR Prezıdentiniń kezekten tys saılaýynyń daýys berý kúni eldegi túrli memlekettik organdarǵa 15 ótinish tústi - Bas prokýratýra
ASTANA. 3 sáýir. QazAqparat /Aıdar Ospanalıev/ - QR Prezıdentiniń kezekten tys saılaýynyń daýys berý kúni eldegi túrli memlekettik organdarǵa 15 ótinish tústi.
Bul týraly búgin jýrnalıstermen bolǵan brıfıngte Bas prokýratýranyń Áleýmettik-ekonomıkalyq saladaǵy zańdylyqtardy qadaǵalaý departamentiniń bastyǵy Andreı Kravchenko málim etti.
Onyń sózine qaraǵanda, atalmysh ótinishterdiń 9-y prokýratýra organdaryna, 5-eýi ýchaskelik saılaý komıssııalaryna, 1 ótinish sotqa joldanǵan. Olardyń barlyǵy kezekten tys saılaýda oryn alyp otyrǵan máselelerge baılanysty bolyp otyr.
Prokýratýra ókiliniń sózine qaraǵanda, prokýratýra organdary atalǵan shaǵymdardyń bir parasy boıynsha tıisti sharalar qoldandy. Al shaǵymdardyń taǵy bir bóligi is júzinde rastalmaǵan. Azamattar tarapynan túsken shaǵymdarǵa qaramastan Bas prokýratýra ókili QR Prezıdentiniń kezekten tys saılaýyn "tynysh ári aryz-shaǵymdar eń az túsken saılaý" dep baǵalady.
