QR Prezıdentiniń kezekten tys saılaýyndaǵy senimdi jeńis
ASTANA. QazAqparat - 2015 jylǵy 26 sáýirde Qazaqstan Respýblıkasynda kezekten tys prezıdenttik saılaý ótti, onda Іs basyndaǵy Memleket basshysy, Ult kóshbasshysy Nursultan Ábishuly Nazarbaev joıqyn jáne senimdi jeńiske jetti.
Bıylǵy prezıdent saılaýy birqatar erekshelikterimen, eń aldymen, rekordtyq sandarymen sıpattalady.
Nursultan Nazarbaevtyń reıtıngisi únemi ósip otyrǵany erekshe atap ótýge turady, ony ótken prezıdenttik saılaý nátıjeleri de kórnekti dáleldep berdi.
Aıtalyq, 1999 jyly saılaýda Qazaqstan Prezıdenti 79,78% daýyspen jeńiske jetken bolatyn. 2005 jyly Nursultan Nazarbaev saılaýshylardyń 91% qoldaýyna ıe boldy. 2011 jyly - 95,55% daýys aldy.
Prezıdenttik saılaýdyń taǵy bir aıryqsha ereksheligi - saılaýshylardyń buryn bolyp kórmegen belsendiligi.
Saılaý ashyqtyǵymen, demokratııashylyǵymen jáne móldirligimen sıpattalady. Daýys berý barysynda óreskel qatelikter tirkelgen joq.
Saılaýǵa halyqaralyq uıymdar men mıssııalar oń baǵasyn berip, saılaý úderisiniń jaqsy uıymdastyrylǵanyn jáne ashyqtyǵyn sıpattap ótti. Sonymen birge, Qazaqstandaǵy prezıdenttik saılaýdyń ótkizilýi basqa memleketterdiń standarttaryna sáıkes keletini, onyń ulttyq toptasý jáne demokratııalyq ınstıtýttar qurylysy úderisin jalǵastyryp otyrǵany atalyp ótildi.
Prezıdenttiń reıtıngisiniń ósý serpini Nursultan Nazarbaevqa jáne onyń strategııalyq reformalaryna halyq qoldaýynyń joǵary deńgeıin kórsetedi. Sonyń arqasynda Memleket basshysy basqa kandıdattardan senimdi túrde úlken araqashyqtyqpen qara úzdi.
Búginde mundaı joǵary elektoraldyq kórsetkishter jáne biraýyzdan qoǵamdyq qoldaý álemde óte sırek kezdesedi.
Nursultan Nazarbaevtyń prezıdenttik saılaýdaǵy jeńisi onyń maqsatty jáne turaqty damý jolyndaǵy asa zor jáne janqııarlyq eńbeginiń nátıjesi boldy, sondaı-aq ol respýblıkanyń sońǵy birneshe jyldaǵy jetistikterin kórneki kórsetti.
Sóıtip, Qazaqstandaǵy saılaý qorytyndylary Kóshbasshy men respýblıka halqynyń birligin aıqyn kórsetip, qazaqstandyq saılaýshylardyń erkin tolyq kóleminde beıneledi.
