QR Prezıdentiniń kezekten tys saılaýynda saılaýshylardyń 95,22 paıyzy daýys berdi
«Oblystyq, Astana jáne Almaty qalalyq aýmaqtyq saılaý komıssııalarynan alynǵan derekter negizinde biz sizderdi QR Prezıdentiniń saılaýyna saılaýshylardyń kelýiniń qorytyndy nátıjelerimen tanystyrýǵa múmkindigimiz bar. Bul kórsetkish 95,22 paıyzdy qurady. 26 sáýir kúngi málimettermen salystyrǵanda, Astana qalasyna qarasty sheteldik ýchaskeler esebinen kóbeıdi», - dedi Q.Turǵanqulov.
Onyń atap ótýinshe, sol sebepti Astana qalasy boıynsha saılaýshylardyń kelýi 97,18 paıyzdy qurady.
«26 sáýir saılaýshylar ózderiniń aıyryqsha azamattyq ustanymyn, elektorattyq belsendiligin jáne eldiń bolashaǵy úshin saıası jaýapkershiligin aıqyn kórsetti. Egemen Qazaqstan tarıhynda dál osyndaı belsendilik birinshi ret bolyp otyr. Naýqandy uıymdastyrýdyń joǵary deńgeıine baıqaýshylar men sarapshylar kóz jetkizip, basa nazar aýdardy», - dedi QR OSK tóraǵasy.
