QR Prezıdentiniń kezekten tys saılaýynda bolashaqqa jol ashatyn, áleýmettik teńdik jáne saıası senimdilik uıalatatyn qýatty partııa jeńiske jetedi - A.Vaskov
ASTANA. 3 sáýir. QazAqparat /Marlan Jıembaı/ - QR Prezıdentiniń kezekten tys saılaýynda bolashaqqa jol ashatyn, áleýmettik teńdik jáne saıası senimdilik uıalatatyn qýatty partııa jeńiske jetedi.
Bul pikirdi búgin BAQ ókilderine suhbat bergen RF Federaldyq jınalysy Federatsııa keńesiniń múshesi, senator Anatolıı Vaskov bildirdi.
Onyń pikirinshe, Qazaqstannyń basqa memlekettermen salystyrǵanda ereksheligi bar. Atalǵan jaıttyń memlekettik basqarý, memlekettik saıasat jáne eń bastysy osy saıasatty naqty basqarý jáne retteýde baıqalatyndyǵyn atap ótken ol: «Búgingi kezekten tys QR Prezıdentin saılaýda bolashaqqa jol ashatyn, áleýmettik teńdik jáne saıası senimdilik uıalatatyn qýatty partııa jeńiske jetedi», - dedi.
Sheteldik meımannyń atap ótýinshe, búgingi tańda elimizdiń ekonomıkasy qarqyndy damý ústinde. Sonymen qatar Qazaqstanda ómir súretin adamdar úshin barlyq jaǵdaı jasalýda. Osy oraıda aldaǵy ýaqytta saılanatyn Prezıdent qoǵamnyń damýyna qajetti saıasatty júrgizetin bolady.
