QR Prezıdentiniń kezekten tys saılaýyna prezıdenttikke kandıdattardy usyný 5 aqpannan bastalady-OSK
ASTANA. 4 aqpan. QazAqparat /Aıdar Ospanalıev/ - 2011 jyldyń 3 sáýirinde ótetin Qazaqstan Respýblıkasy Prezıdentiniń kezekten tys saılaýyna prezıdenttikke kandıdattardy usyný 2011 jyldyń 5 aqpanynan bastalady.
"Prezıdenttikke kandıdattardy usyný 2011 jylǵy 5 aqpanda bastalady jáne 20 aqpanda aıaqtalady", -Ortalyq saılaý komıssııasynyń tóraǵasy Qýandyq Turǵanqulov búgin Astanada OSK-niń májilisinde.
Aıta keteıik, atalmysh májiliste 2011 jylǵy 3 sáýirge taǵaıyndalǵan Qazaqstan Respýblıkasy Prezıdentiniń kezekten tys saılaýyn ázirleý men ótkizý jónindegi negizgi sharalardyń kúntizbelik jospary bekitildi.
«Prezıdenttikke kandıdattardy saıası partııalar men respýblıkalyq qoǵamdyq birlestikter usyna alady. Sondaı-aq azamattar ózderin-ózderi usynýǵa quqyly. Saılaýshylardyń Prezıdenttikke kandıdatty qoldaýy olardyń qol jınaýy arqyly rastalady. Prezıdenttikke kandıdat árbir azamat eń az degende elimizdiń 14 oblysynyń 9-ynyń qolyn, sondaı-aq Almaty men Astana qalalarynyń atynan teńdeı ókildik etetin 91 myń qol jınaýy tıis»,- dedi OSK Tóraǵasy.
Onyń sózine qaraǵanda, Prezıdenttikke kandıdattardy tirkeý kandıdattar barlyq qajetti qujattardy usynǵannan keıin bastalady. Bul shara bıylǵy jyldyń 2 naýryzynda aıaqtalady. Prezıdenttikke kandıdat tirkelgenge deıin jáne onyń Konstıtýtsııa men saılaý týraly zańmen qoıylatyn talaptarǵa sáıkes kelýin teksergennen keıin, sondaı-aq ony qoldaýshylardyń qoldary tekserilgennen keıin Ortalyq saılaý komıssııasynyń esebine 800 myń teńge kóleminde jarna aýdarady. Kandıdat pen onyń jubaıy tirkeýge deıin turǵylyqty jeri boıynsha salyq organdaryna 2011 jyldyń 1 aqpanyndaǵy jaǵdaı boıynsha tabysy men múlki týraly deklaratsııalar usynady.
Aıta ketıik, QR Konstıtýtsııasyna sáıkes, el Prezıdentin Qazaqstan Respýblıkasynyń azamattary jalpyǵa birdeı, teń jáne tóte saılaý quqyǵy negizinde jasyryn daýys berý arqyly 5 jyl merzimge saılaıdy. Prezıdent bolyp týǵannan Qazaqstan Respýblıkasynyń azamaty bolyp tabylatyn 40 jasqa tolǵan, memlekettik tildi erkin meńgergen jáne Qazaqstanda sońǵy 15 jyl boıy turatyn azamat saılana alady.
