QR Prezıdentiniń kezekten tys saılaýyn taǵaıyndaý týraly Jarlyq

NUR-SULTAN. QazAqparat - Aqorda Memleket basshysy Qasym-Jomart Toqaevtyń Qazaqstan Respýblıkasy Prezıdentiniń kezekten tys saılaýyn taǵaıyndaý týraly Jarlyǵyn jarııa etti, dep habarlaıdy QazAqparat.

«QazAqparat» HAA qujattyń tolyq mátinin jarııalaıdy.

Qazaqstan Respýblıkasy Prezıdentiniń kezekten tys saılaýyn taǵaıyndaý týraly

Qazaqstan Respýblıkasy Konstıtýtsııasynyń 41-babynyń 3-1-tarmaǵyna sáıkes QAÝLY ETEMІN:

1. Qazaqstan Respýblıkasy Prezıdentiniń kezekten tys saılaýy 2019 jyldyń 9 maýsymyna taǵaıyndalsyn.

2. Qazaqstan Respýblıkasynyń Ortalyq saılaý komıssııasy kezekten tys prezıdenttik saılaýdy uıymdastyrý men ótkizýdi qamtamasyz etsin.

3. Qazaqstan Respýblıkasynyń Úkimeti kezekten tys prezıdenttik saılaýdy uıymdastyrýshylyq, materıaldyq-tehnıkalyq jáne qarjylyq qamtamasyz etý jónindegi qajetti sharalardy qabyldasyn.

4. Oblystardyń, Nur-Sultan, Almaty men Shymkent qalalarynyń ákimderi saılaý quqyǵy bar azamattardyń tizimin der kezinde jasaýdy jáne durystyǵyn qamtamasyz etsin, Ortalyq, aýmaqtyq jáne ýchaskelik saılaý komıssııalaryna kezekten tys prezıdenttik saılaýdy uıymdastyrý men ótkizý máselelerin sheshýde jan-jaqty kómek kórsetsin.

5. Osy Jarlyq alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń

Prezıdenti Q.Toqaev