QR Prezıdentiniń kezekten tys saılaýy zań aıasynda ótip jatyr-QR Bas prokýratýrasy
ASTANA. 3 sáýir. QazAqparat /Aıdar Ospanalıev/ - QR Bas prokýratýrasynyń málimetteri boıynsha QR Prezıdentiniń kezekten tys saılaýy zań aıasynda ótýde.
Bul týraly búgin jýrnalıstermen bolǵan brıfıngte Bas prokýratýranyń Áleýmettik-ekonomıkalyq saladaǵy zańdylyqtardy qadaǵalaý departamentiniń bastyǵy Andreı Kravchenko málim etti.
Andreı Kravchenko saılaýaldy naýqany kezindegi jaǵdaıǵa toqtalyp ótti. Onyń sózine qaraǵanda, saılaýaldy naýqany barysynda azdaǵan zań buzýshylyqtar oryn alǵan. Olardyń basym bóligi boıynsha prokýratýra organdary tek zańdy túsindirý sharalarymen ǵana shekteldi. Keı jaǵdaıda qandaı da bir áreketterdiń zań buzýǵa alyp keletindigin eskertti. «Zańǵa qaısha deıtin áreketterdiń eń usaqtary - úgit-nasıhat quraldaryn qurtý, bir kandıdattyń nasıhat quralyn ekinshi kandıdattiki ilip ketý jaǵdaılary. Mundaı faktiler boıynsha arnaıy tekserýler júrgizilip, tıisti prtsessýaldy qujattar daıyndalady. Al kináli azamat anyqtalǵan soń ony jaýapqa tartý máselesi qarastyrylady»,-dedi Bas prokýratýra ókili.
Onyń aıtýynsha, 27 naýryz kúni Aqtóbe qalasynda prezıdentikke kandıdat Jambyl Ahmetbekov pen Ǵanı Qasymovtyń úgit-nasıhat quraldaryna stıkerler japsyrylyp ketken. «Al 31 naýryzda Taraz qalasynda belgisiz azamattar prezıdentikke kandıdat Ǵanı Qasymovtyń úgit-nasıhat quraldarynyń betine kandıdat Jambyl Ahmetbekovtyń sýretin japsyrǵan»,-dedi A.Kravchenko.
