QR Prezıdentiniń keıbir jarlyqtaryna ózgerister men tolyqtyrýlar engizildi
ASTANA. QazAqparat - Memleket basshysy Nursultan Nazarbaevtyń Jarlyǵymen Qazaqstan Respýblıkasy Prezıdentiniń keıbir jarlyqtaryna ózgerister men tolyqtyrýlar engizildi. QazAqparat osy qujattyń mátinin taratady.
Qazaqstan Respýblıkasy Prezıdentiniń Jarlyǵy
Qazaqstan Respýblıkasy Prezıdentiniń keıbir jarlyqtaryna ózgerister men tolyqtyrýlar engizý týraly
Qaýly etemin:
1. Qazaqstan Respýblıkasy Prezıdentiniń keıbir jarlyqtaryna engiziletin ózgerister men tolyqtyrýlar (budan ári - ózgerister men tolyqtyrýlar) bekitilsin.
2. Osy Jarlyq, 2015 jylǵy 1 jeltoqsannan bastap qoldanysqa engiziletin ózgerister men tolyqtyrýlardyń 3-tarmaǵynyń ekinshi, úshinshi abzatstaryn qospaǵanda, 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Prezıdenti N.NAZARBAEV
Astana, Aqorda, 2015 jylǵy 30 qarasha. № 120
«Qazaqstan Respýblıkasy Prezıdentiniń keıbir jarlyqtaryna ózgerister men tolyqtyrýlar engizý týraly»
Qazaqstan Respýblıkasy Prezıdentiniń 2015 jylǵy 30 qarashadaǵy № 120 Jarlyǵyna
TÚSІNDІRME
Atalǵan Jarlyq «100 qadam» atty Ult josparyn iske asyrý sheńberinde memlekettik josparlaýdyń yqsham júıesin qalyptastyrýǵa baǵyttalǵan.
Qazaqstan Respýblıkasy Prezıdentiniń «Qazaqstan Respýblıkasyndaǵy memlekettik josparlaý júıesi týraly» 2009 jylǵy 18 maýsymdaǵy № 827 jáne «Qazaqstan Respýblıkasyndaǵy memlekettik josparlaý júıesiniń odan ári jumys isteýiniń keıbir máseleleri týraly» 2010 jylǵy 4 naýryzdaǵy № 931 jarlyqtaryna ózgerister men tolyqtyrýlar osy Jarlyqpen engiziledi.
Atap aıtqanda: salalyq baǵdarlamalardy alyp tastaý jáne úkimettik baǵdarlamalardy engizý; memlekettik jáne úkimettik baǵdarlamalardy ázirleý protsesine talaptardy kúsheıtý; memlekettik jáne úkimettik baǵdarlamalardyń iske asyrylýynyń nátıjeliligi men tıimdiligi úshin memlekettik organdardyń birinshi basshylarynyń jaýapkershiligin bekitý; aýmaqtardy damytý baǵdarlamasynyń formatyn ózgertý kózdelgen.
Engiziletin ózgerister men tolyqtyrýlar Memlekettik josparlaý júıesiniń ázirlenetin qujattarynyń sapasyn arttyrýǵa jáne olardyń sanyn ońtaılandyrýǵa múmkindik beredi.
Qazaqstan Respýblıkasy Prezıdenti Ákimshiliginiń Strategııalyq ázirlemeler jáne taldaý ortalyǵy
