QR Prezıdentiniń keıbir aktilerine ózgerister men tolyqtyrýlar engizildi
ASTANA. QazAqparat - Memleket basshysy Nursultan Nazarbaev «Qazaqstan Respýblıkasy Prezıdentiniń keıbir aktilerine ózgerister men tolyqtyrýlar engizý týraly» Jarlyqqa qol qoıdy.
Bul týraly Aqordanyń baspasóz qyzmetinen habarlaıdy.
Qazaqstan Respýblıkasy Prezıdentiniń keıbir aktilerine
ózgerister men tolyqtyrýlar engizý týraly
«Memlekettik aýdıt jáne qarjylyq baqylaý týraly» Qazaqstan Respýblıkasynyń 2015 jylǵy 12 qarashadaǵy Zańyn iske asyrý maqsatynda QAÝLY ETEMІN:
1. Qosa berilip otyrǵan Qazaqstan Respýblıkasy Prezıdentiniń keıbir aktilerine engiziletin ózgerister men tolyqtyrýlar (budan ári - ózgerister men tolyqtyrýlar) bekitilsin.
2. Osy Jarlyq:
1) 2019 jylǵy 1 qańtardan bastap qoldanysqa engiziletin, ózgerister men tolyqtyrýlarǵa qosymshaǵa sáıkes jańa redaktsııada jazylatyn Respýblıkalyq bıýdjettiń atqarylýyn baqylaý jónindegi esep komıteti týraly erejeniń (budan ári - Ereje) 15-tarmaǵynyń 3) tarmaqshasyn;
2) Erejeniń 2017 jylǵy 1 qańtardan bastap qoldanysqa engiziletin 15-tarmaǵynyń 9) tarmaqshasyn qospaǵanda, alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń
Prezıdenti N.Nazarbaev
Astana, Aqorda, 2016 jylǵy 11 qańtar
№ 169
