QR Prezıdentiniń keńesshisi erte qıylatyn nekelerdiń jıilep bara jatqanyna baılanysty dabyl qaǵýda
ASTANA. 19 qyrkúıek. QazAqparat - QR Prezıdentiniń keńesshisi, Áıelder isteri jáne otbasylyq-demografııalyq saıasat jónindegi ulttyq komıssııasynyń tóraıymy Gúlshara Ábdiqalyqova erte qıylatyn nekelerdiń keleńsiz saldarynyń jıileýine baılanysty dabyl qaǵýda. Bul jaıyn ol búgin Astanadaǵy «Myńjyldyq damý maqsattarynyń aıasynda Ortalyq Azııa men Kavkaz elderindegi jasóspirim qyz balaǵa qatysty zorlyq-zombylyq pen erte jáne kúshtep qıylatyn neke qubylysyn aldyn alý» atty halyqaralyq konferentsııa barysynda aıtty.
«Erte qıylatyn neke qubylysynyń saldarynan jas áıelderdiń arasynda ana óliminiń deńgeıi joǵary. Bul turǵyda densaýlyq saqtaý salasy kináli emes, atap aıtqanda erte jastan bala kóterýge jas ana aǵzasynyń daıyn bolmaýy sebep bolýda. BAQ-tarda erte qıylatyn nekelerdiń keri saldary jaıynda marıaldar jıi kezdesýde. Internette kámelettik jasqa tolmaǵan áıelderine jábirleýshilik kórsetý jaıyndaǵy jantúrshigerlik beıne túsirilimdermen tolyp jatyr. Osynyń barlyǵy bizdiń qyzdarǵa qatysty adamzattyq qarym-qatynastarǵa saı kelmeıtin áreketterge jol bermeý boıynsha túbegeıli sharalardy qoldanýdyń ýaqyty jetkendigin kórsetip otyr», - dedi G. Ábdiqalyqova.
Onyń sózine qaraǵanda, QR Satıstıka agenttiginiń málimetinshe, elimizde joǵary oqý oryndarynda oqıtyn qyzdardyń sany er balalarǵa qaraǵanda basym. Sonymen qatar memlekettik qyzmetshilerdiń 58 paıyzy áıelderdiń úlesinde.
«Mysal retinde keltiretin kóptegen tabysty sátter bar. Alaıda, bul jaqsy kórsetkishter, júrgizilgen zertteýlerdiń barysynda anyqtalǵan keleńsiz qubylystardy jasyra almaıdy. Adamdar ózderiniń osy qatań árketterin árqıly aqtap shyǵýǵa tyrasady. Keıbir ata-analar qyzynyń erte qıylǵan nekesin ulttyq dástúrmen, basqalary dinı talaptardy oryndaýǵa baılanysty degendi alǵa tartýda», - dep toqtaldy ol.
G. Ábdiqalyqovanyń paıymynsha, halyqaralyq normalarǵa saı memleketter zańdardyń reformasyn júrgizip, qyz balalarǵa, áıelderge qatysty qadamdardy ózgertip, osy quqyqtyq sharalardy júzege asyrý boıynsha tetikterdi qurýy tıis.
