QR Prezıdentiniń «Qazaqstan» ulttyq telearnasynyń shyǵarmashylyq ujymyna alǵysy jarııalandy
ASTANA. QazAqparat - Búgin Aqordada QR Memlekettik hatshy Gúlshara Ábdiqalyqova «Qazaqstan» ulttyq telearnasynyń shyǵarmashylyq ujymyna QR Prezıdentiń alǵyshatyn tapsyrdy.
«Búgin Aqordada eldiń úzdik jýrnalısterin marapattaý kezinde QR Prezıdentiniń «Qazaqstan» ulttyq telearnasynyń shyǵarmashylyq ujymyna memlekettik saıasattyń júzege asyrylýy barysyn belsendi jarııalap kórsetkeni jáne otandyq aqparattyq keńistikti óristetýge qosqan zor úlesi úshin Alǵysy jarııalanady. Osy Alǵys hatta barshalaryńyzdyń eńbekterińiz bar. Bul turǵyda korporatsııanyń barlyq ujymyna úlken rahmetimdi aıtqym keledi. Barlyǵyńyzdy elimizdegi buqaralyq aqparat quraldary jáne baılanys qyzmetkerleri merekesimen, kásibı tól merekemizben quttyqtaımyn!», - dedi «Qazaqstan» RTRK» AQ Basqarma tóraıymy Nurjan Muhamedjanova «Qazmedıa ortalyǵynda» korporatsııanyń shyǵarmashylyq ujymyn quttyqtaýǵa arnalǵan merekelik sharada.
Sonymen qatar basqarma tóraıymy keshe «Nur Otan» partııasynyń 15 jyldyǵyna arnalǵan jýrnalıster arasynda «Nur Suńqar» syılyǵyn tabystaý rásiminde «Qazaqstan» telearnasynyń «APTA.KZ» saraptamalyq baǵdarlamasynyń basshysy Erkin Tańatqanuly «Erekshe pikir» atalymy boıynsha eń úzdik televızııalyq jýrnalıst retinde marapattalǵanyn, sondaı-aq Qazaq radıosynyń "Qaıyrly tań" baǵdarlamasynyń redaktory Quralaı Jumahan úzdik dep tanylǵanyn eske salyp ótti.
Aıta keteıik, «Qazmedıa ortalyǵyndaǵy» saltanatty shara barysynda Nurjan Muhamedjanova Respýblıkalyq Teleradıokorporatsııasynyń úzdik jýrnalısteri men qyzmetkerlerine alǵyshattar men estelik syılyqtar tapsmyrdy.
Sonymen qatar «Qazaqstan» RTRK» AQ Basqarma tóraıymy baılanys jáne aqparat qyzmetkerlerine oraı, memlekettik aqparattyq saıasatty júzege asyrý, Korporatsııanyń jumysyn aqparattyq súıemeldeýge qosqan shyǵarmashylyq úlesi men joǵary kásibı sheberligi úshin «QazAqparat» HAA tilshileri Muratbek Maqulbekovke, Rýslan Ǵabbasovqa jáne Damır Baımanovqa alǵyshattar tabystady.
